Ölkəmizdə də hər il 5 iyun tarixində əlaqədar təşkilatlar tərəfindən “Ümumdünya Ətraf Mühit Günü” qeyd olunur və əhalinin diqqəti bir daha ekoloji problemlərə  cəlb edilir.

Ekoloji yönümlü layihələr və xidmətlər həyata keçirən “Ekol Mühəndislik Xidmətləri” QSC də, hər il olduğu kimi 2018-ci ildə də 5 iyun “Ümumdünya Ətraf Mühit Günü” münasibətilə  “Plastik Tullantılarla Çirklənməyə Qarşı Mübarizə” mövzusunda baş ofisdə toplantı keçirilmişdir. Keçirilən toplantıda QSC-nin Baş direktoru Ramil Əliyev “Ümumdünya Ətraf Mühit Günü” nün yaranma tarixi, əhəmiyyəti, ətraf mühitin qorunması və yaxşılaşdırılmasına  yönələn işlər, dövlət və milli proqramların uğurlu nəticələri haqqında çıxış etmişdir.

Daha sonra çıxış edənlər Ekoloji Monitorinq Departamentinin (EMD) rəisi Şahabiddin Albuşov, EMD-nin rəis müavini Natella Şəfiyeva, Tullantı Mərkəzinin rəisi Orxan Qəndilov və Torpaqların Rekultivasiya Departamentinin rəisi Məmmədəli Həsənov mövzu ətrafında çıxış edərək QSC-nin ətraf mühitin mühafizəsi sahəsindəki rolu, ətraf mühitin mühafizəsinə vətəndaş münasibəti, Respublikamızda ətraf mühitin mühafizəsi sahəsində görülən işlər, ətraf mühitin plastik qablar və məmulatlarla çirklənməsi, cəmiyyət üçün zərərli olması, bəşəriyyətdə ətraf mühitin çirklənməsi və görülən tədbirlər haqqında məlumat verdilər. Eyni zamanda, Ətraf Mühitin mühafizəsi ilə əlaqədar nümayiş etdirilən video çarx iştirakçılar tərəfindən maraqla izlənmişdir.

Toplantının sonunda Cəmiyyətin 7 nəfər əməkdaşı ətraf mühitin mühafizəsi sahəsində səmərəli fəaliyyətinə görə Fəxri Fərmanla təltif olunmuşlar.