Rəhbərliyin təhlili Cəmiyyət tərəfindən qəbul edilmiş normativ hüquqi tələblərə uyğunluğun lazımi səviyyədə olmasını, davamlılığını təyin etmək və daima yaxşılaşdırmaq fəaliyyətini həyata keçirmək üçün aparılır.
Rəhbərlik tərəfindən aparılan təhlilin məzmunu və gündəliyi “İMS-nin rəhbərlik tərəfindən təhlili proseduru” nda əks olunur.
11.06.2018-ci tarixində “Ekol Mühəndislik Xidmətləri” QSC-də “İnteqrəedilmiş Menecment Sistemləri” və bu sistemlərə aid proseslərin səmərəliliyinin artırılması məqsədilə ISO 9001-2015 (maddə 9.3) rəhbərliyin təhlili toplantısı keçirilmişdir.
Toplantıda Cəmiyyətin rəhbərliyi və struktur bölmə rəhbərləri iştirak etmişdirlər.
Baş direktor Ramil Əliyev toplantı iştirakçılarını salamlayaraq rəhbərliyin təhlili iclasını açıq elan etdi. Ramil Əliyev “İnteqrəedilmiş Menecment Sistemləri”nin təhlili zamanı daxili və xarici tərəfdaşların maraqlarını diqqətə almağı, fəaliyyətə risk yönümlü yanaşmanı, qəbul edilmiş normativ hüquqi tələblərə uyğun fəaliyyət göstərməyi diqqətə çatdırdı. O, Cəmiyyət üzrə 2018-ci ilin fevral-aprel aylarında keçirilmiş daxili audit zamanı aşkar edilmiş uyğunsuzluqların yerinə yetirilməsi barəsində məlumat üçün sözü SƏTƏM üzrə müavin Eldəniz Həsənliyə verdi.
Baş direktorun SƏTƏM üzrə müavini Eldəniz Həsənli struktur bölmə rəhbərlərinə verilmiş uyğunsuzluqların yaranma səbəbləri və aradan qaldırılması tədbirləri, uyğunsuzluqların aradan qaldırılması üçün tələb olunan resurs təminatı barəsində çıxış etdi. O öz növbəsində fəaliyyətimizin ISO 9001-2015, ISO 14001-2015, OHSAS 18001-2008 standartlarının tələbləri səviyyəsində qurulduğunu və xarici auditə hazır olduğumuzu qeyd etdi.
Daha sonra toplantıda Ekoloji Monitorinq Departamentinin rəis müavini Baş auditor Natella Şəfiyeva İMS-nin fəaliyyəti barədə hesabat verdi. Hesabatda sifarişçi ilə əks əlaqə, müştəri və işçilərin məmnunluq səviyyəsi, reklamasiyalar, daxili auditin və önləyici fəaliyyətlərin nəticələri, əvvəlki toplantıda qəbul edilmiş qərarların icra səviyyəsi barədə məlumat verdi.
Proses sahibləri uyğunsuzluqların aradan qaldırılması və proses kriteriyalarının yerinə yetirilməsi barədə hesabat verdilər.
Müzakirələrin sonunda yerinə yetirilməsi vacib olan rəsmiləşdirilmiş qərar struktur bölmə rəhbərlərinə tanışlıq və icra üçün təqdim edilməsi qəbul edildi.