Bununla əlaqədar olaraq,  M.V.Lomonosov adına Moskva Dövlət Universitetinin, Bakı filialının kimya fakültəsinin IV-cü kurs tələbələri və professor müəllim heyəti ilə 10.08.2018-ci il tarixdən   “Ekol Mühəndislik Xidmətləri” QSC-nin Tullantıların Emalı Departamentinin 6-cı sahəsində, Heydər Əliyev adına NEZ-dan daxil olan sənaye axıntı sularını təmizləyən təmizləyici qurğuların yerləşdiyi sahədə istehsalat təcrübəsi keçirlər. 

      “Ekol Mühəndislik Xidmətləri” QSC-nin (H.Əliyev adına NEZ-nun 9-cu sahəsi) ərazisinə  daxil olmazdan əvvəl təcrübəçi tələbələr əməyin mühafizəsi və texniki, yanğın təhlükəsizliyi ilə tanış edilmişlər. “Ekol Mühəndislik Xidmətləri” QSC-nin müdiriyyəti tərəfindən tələbələrin istehsalat təcrübəsinin müəyyən olunmuş qrafikə uyğun şəkildə başa çatdırılması üçün bütün tədbirlərin görülməsinə göstəriş  verilmişdir

     Təcrübə müddətində  Ekoloji Monitorinq Departamentinin rəisi, təcrübəli mütəxəssis, ekoloq, istehsalat-təcrübə rəhbəri Şahabiddin Albuşov tələbələrə “Ekol Mühəndislik Xidmətləri” QSC-nin fəaliyyəti haqqında  geniş məlumat vermiş, onları sənaye-axıntı sularının təmizlənməsi, neftşlamın emalı və zərərsizləşdirilməsi prosesləri, eləcə də  texnoloji qurğuların iş prinsipləri ilə yaxından tanış etmişdir. Həmçinin,  tələbələr  neftşlam emal edən “Alfa-Laval” şirkətinin dekantor və “Pieralisi” şirkətinin trikantor qurğularında emal prosesləri ilə yaxından tanış olmuşlar. Onlara  QSC-də  ətraf mühitin mühafizəsi istiqamətində həyata keçiriləcək  yeni layihələr barədə  məlumat verilmişdir. 

     Ali təhsil ocaqlarında  təhsil alan  tələbələrin  maarifləndirilməsi, onların elmi biliklərinin istehsalatla əlaqələndirilməsi və  gənc nəslin təcrübi biliklərinin artırılması “Ekol Mühəndislik Xidmətləri” QSC-nin  fəaliyyətinin  əsas  istiqamətlərindən  biridir və bu istiqamətdə daimi məqsədyönlü tədbirlər keçirilir.