Qeyd olunduğu kimi, “Ekol Mühəndislik Xidmətləri” QSC fəaliyyəti dövründə “Azneft” İB bir çox NQÇİ - nin mədən ərazilərində uzun illər neftlə çirklənmiş torpaqların təmizlənməsi, eləcə də rekultivasiya və bioremediasiya işlərini uğurla həyata keçirmişdir. Reabilitasiya olunmuş əksər sahələrdə isə yaşıllaşdırma tədbirləri görülmüşdür ki, bu da həmin ərazilərin ekoloji vəziyyətini xeyli dərəcədə yaxşılaşdırmışdır. Görülmüş işlərin davamı olaraq, QSC iyul ayı 2018-ci ildə H.Z.Tağıyev adına NQÇİ-nin mədən ərazilərində yeni bir layihənin icrasına başlamışdır.
QSC-nin Torpaqların Rekultivasiyası Departamenti layihənin icrası üçün əraziyə xeyli sayda xüsusi texnika, ağır tonnajlı nəqliyyat vasitələri və işçi qüvvəsi cəlb etmişdir.
Yeni layihə H.Z. Tagıyev adına NQÇİ - nin 1- ci sahəsində yerinə yetirilmişdir. Həmin sahədə 32,5 hektar neftlə çirklənmiş sahələrdə rekultivasiya işləri başa çatdırılmışdır. Layihənin icrası fasiləsiz olaraq davam etdirilmişdir.