Xidmətlərimiz
|
|
|
|
QSC-nin Tullantıların Emalı Departamentinin xidmət sahələrində profilaktiki təmir və sazlama işləri yüksək templə davam etdirilir
|
“Ekol Mühəndislik Xidmətləri” QSC-nin Tullantıların Emalı Departamentinin (TED) 3-cü, 4-cü, 5-ci və 6-cı sahələri (Heydər Əliyev adına NEZ-nun 9-cu sahənin ərazisi) demək olar ki, qışa tam hazırdır. Qış mövsümündə hava şəraitindən asılı olmayaraq tullantıların keyfiyyətlə idarə edilməsi, texnoloji proseslərin fasiləsizliyinin təmin olunması və baş verə biləcək qəzaların qarşısının alınması üçün TED-də “qışa hazırlıq tədbirlər planı” çərçivəsində profilaktiki təmir və sazlama işləri yüksək templə davam etdirilir.
Bu məqsədlə, neftşlamın zərərsizləşdirilməsi və təmizləyici qurğularda profilaktiki təmir və sazlama işləri yerinə yetirilir, qəzaların qarşısının alınması üçün əlavə yardımçı boru xətləri quraşdırılır. Şaxtalı və qarlı hava şəraitində işçi heyətin təhlükəsizliyinin təmin olunması məqsədilə nefttutucuların və göllərin üzərindəki metal şəbəkələr yenisi ilə əvəz olunur. Sahələrdə ötürücü boru xətlərinin, siyirtmələrinin izolyasiyası, təmiri, rənglənməsi işləri başa çatdırılmışdır. TED-nin xidmət sahələrində “qışa hazırlıq tədbirlər planı” ilə əlaqədar görülən işlər, qış mövsümündə ekstremal hava şəraitində belə tullantıların keyfiyyətlə idarə olunmasına və texnoloji proseslərin fasiləsizliyinin təmin edilməsinə əsaslı zəmin yaradır.
tarix : 20.12.2018
|
|
|
|
|
|
|