Elektromexanika sexinin kollektivi mütəmadi olaraq QSC-nin istehsalat sahələrində kompleks tədbirlər həyata keçirmiş, təmizləyici, ötürücü və emal qurğularında cari və əsaslı təmir işlərinin aparılmasını və əlavə kommunikasiya xətlərinin çəkilişlərini keyfiyyətlə yerinə yetirmişlər. Qışa hazırlıq Tədbirlər Planı ilə əlaqədar QSC-nin istilik sistemlərində və elektrik təsərrüfatında təmir və profilaktika işləri vaxtında görülüb başa çatdırılmışdır.
Belə ki, TED-nin 5-ci sahəsində “Alfa-Laval” şirkətinin dekanter, “Pieralisi” şirkətinin trikanter və FOX-15 separator qurğularında istismar zamanı sıradan çıxmış detal, hissələr yenisi ilə əvəz olunmuş və qurğulara vurulan hava təzyiqinin gücləndirilməsi üçün yeni kompressor quraşdırılmış, istilik kameraları vaxtı-vaxtında açılmış, hissələri yuyulmuş, araqatları təmizlənmiş və istismara buraxılmışdır.
TED-nin 5, 6-cı sahələrdə olan 52, 55 və 30 saylı yarımstansiyalara gələn yüksək gərginlikli elektrik xətləri, transformatorlar təftiş olunmuş, mexaniki üsulla təmizlənmiş, 100 mm-lik neftşlam boru xəttinin korroziyaya uğramış hissələri yenisi ilə əvəz olunmuşdur.
QSC-nin Elektromexanika sexi istehsalatda texnoloji proseslərin fasiləsizliyinin təmin edilməsi məqsədilə tədbirlərin görülməsi istiqamətində fəaliyyətini davam etdirir.