Nəqliyyat sexi tərəfindən təmin edilmiş nəqliyyat vasitələri və xüsusi təyinatlı texnikalar ilə “Suraxanı OYL Opereyşn” Kompani S.A şirkətinin mədən ərazilərindən mədən axıntı sularını, “Azərbaycan Xəzər Dəniz Gəmiçilik” Dəniz Neft Donanma İdarəsinin ərazisindən, Bibiheybət Gəmi Təmiri zavodunun ərazisindən və SOCAR-ın Ekologiya İdarəsinin ərazisindən axıntı çirkab sularının daşınması işlərini həyata keçirmişdir.

Həmçinin  su daşıyan nəqliyyat vasitəsilə QSC-nin Torpaqların Rekultivasiyası Departamentinin (TRD) xidmət göstərdiyi A-4 (Zığ sahəsi) yaşıllıqların suvarılmasına, TRD   1-ci sahəyə (Pirallahı ərazisi), TED-nin Dübəndi sahəsinə su daşınmışdır.

TRD-nin xidmət göstərdiyi sahələrə torpaq, peyin, ağac daşınmışdır. Sahələrdə müxtəlif ərazilər hamarlanaraq əkin üçün yararlı vəziyyətə gətirilmişdir.

Nəqliyyat sexinin istifadəsində olan xüsusi texnika və avtokran vasitələri daima istehsalata yönəldilərək müxtəlif təyinatlı işlər görmüşlər, həmçinin qazel avtomobilləri ilə TRD-nin və TED-nin istehsalat sahələrinə, Ekologiya İdarəsinin Tullantıların İdarə Edilməsi Mərkəzinə davamlı mal-materiallar və istehsalat avadanlıqları daşınmışdır.

Eləcə də TED-nin 3-cü, 4-cü, 5-ci və 6-cı (H.Əliyev adına NEZ-in 9-cu sahəsi) sahələrində “Alfa Laval” şirkətinin dekanter qurğusunda iş prosesi nəticəsində formalaşan torpaqlar yükləyici  və  özüboşaldan  nəqliyyat və texnikaların köməyi ilə xüsusi ərazilərə daşınmışdır.

“Ekol Mühəndislik Xidmətləri” QSC-nin  xidmət göstərdiyi bütün sahələr üzrə nəqliyyat vasititələri  və  xüsusi  texnikalar təlabata uyğun işlər yerinə yetirmişlər.