|
“Ekol Mühəndislik Xidmətləri” QSC-də Elektromexanika sexinin kollektivi istehsalat sahələrində istismarda olan qurğu və avadanlıqlara peşəkarlıqla xidmət göstərirlər. Kollektivin işgüzar səyi nəticəsində təmizləyici, ötürücü və emal qurğularında vaxtaşırı cari və əsaslı təmir işləri aparılır ki, bu da təmizləmə və emal proseslərinin kəmiyyət və keyfiyyətinə öz müsbət təsirini göstərir. Bununla yanaşı sex tərəfindən sıradan çıxmış kommunikasiya xətləri yeniləri ilə əvəz edilmiş, QSC-nin elektrik təsərrüfatında zəruri təmir və profilaktika işləri keyfiyyətlə yerinə yetirilmişdir.
Belə ki, Elektromexanika sexinin işçiləri Tullantıların Emalı Departamentinin (TED) 5-ci (H.Əliyev NEZ-nun 9-cu sahəsi) sahəsində “Alfa Laval” şirkətinin dekanter, “Pieralisi” şirkətinin trikanter və FOX-15 separator qurğularında istismar zamanı sıradan çıxmış detallar yenisi ilə əvəz olunmuş, dekanter qurğusunda istehsalata yararsız olan süzgəclər çıxarılaraq dəyişdirilmiş və istismara buraxılmışdır. TED-nin 5, 6-cı sahələrində olan elektrik avadanlıqları, yarımstansiyalara gələn yüksək gərginlikli elektrik xətləri, avadanlıqların işə salma qutuları mütəmadi olaraq təftiş edilir və nasazlıqlar aradan qaldırılır. Elektromexanika sexinin peşəkar mütəxəssislərdən ibarət kollektivi, QSC-nin istehsalat sahələrində texnoloji proseslərin fasiləsizliyini təmin etmək məqsədilə əzmlə çalışmaqdadır.
tarix : 02.05.2019
|
ana səhifə
Satınalma
əlaqə
Futzal
Alternativ Enerji
Bu maraqlıdır
