Final görüşündə “Ekol” FK “Advokat” klubu ilə qarşılaşmışlar.
Çoxsaylı azarkeşlərin izlədiyi oyunda “Ekol”-un futzalçıları yüksək peşəkarlıq nümayiş etdirərək 7-3 hesabı ilə qalib gələrək Azərbaycan kubokunun başları üzərinə qaldırmışlar.
Görüşün ən məhsuldar oyunçusu “Ekol” FK-nun kapitanı Namiq Məmmədkərimov final oyununda 4 qol vuraraq həlledici qarşılaşmanın ən yaxşı oyunçusu mükafatına layiq görülmüşdür. Mükafatları AFFA-nın futzal üzrə koordinatoru Zaur Hacı-Məhərrəmov, Azərbaycan Futzal Federasiyasının əməkdaşı Xosrov Məmmədov və beynəlxalq dərəcəli hakim-inspektor Elçin Səmədli təqdim etdilər.