Sərginin açılış mərasimində Azərbaycan Respublikasının Prezidenti cənab İlham Əliyev, dövlət rəsmiləri və şirkət rəhbərləri iştirak etmişlər. Bu da sərginin statusunun yüksək olmasını bir daha sübut edir. Bu il Azərbaycanın neft-qaz sənayesinin tarixində əlamətdar hadisə olan – “Əsrin müqaviləsi” öz iyirmi beş illiyini qeyd edəcək. İlk “Caspian Oil and Gas” sərgisi 1994-cü ildə, Azərbaycan neft sənayesinin və ümumilikdə ölkə iqtisadiyyatının inkişafında yeni dövrün başlandığını bildirən “Əsrin Müqaviləsi”nin elə həmin il sentyabr ayında imzalanması ərəfəsində baş tutdu. O vaxt Ümummilli Lider Heydər Əliyev Azərbaycanın neft-qaz sənayesində ilk ixtisaslaşdırılmış, sərginin keçirilməsi təşəbbüsünü dəstəklədi və həmin dövürdən etibarən “Caspian Oil and Gas” sərgisi neft, qaz və energetika sahəsində aparıcı peşəkarların görüş yerinə çevrilib və gələcək əməkdaşlığa dair zəmin yaradır. Həmçinin, “Caspian Oil and Gas” sərgisi və Konfransına Azərbaycan Respublikası Energetika Nazirliyinin, Azərbaycan Respublikası Dövlət Neft Şirkətinin (SOCAR) rəsmi dəstəyi olmaqla, “İteca Caspian” və İTE Group şirkətinin təşkilatçılığı ilə keçirilən sərgidə dünyanın 34-dən çox ölkəsini təmsil edən 290 şirkət, yerli və xarici mütəxəssislər iştirak etmişlər. Sərgidə Şirkətlər neft hasilatı və enerji daşıyıcılarının nəqli, neft və qazın saxlanması üçün anbar sistemlərinin təmin edilməsi və servis xidmətləri sahəsindəki texnologiyaları, habelə regionun mövcud və gələcək neft-qaz layihələrini və bir sıra digər nailiyyətləri nümayiş etdirirlər.
“Ekol Mühəndislik Xidmətləri” QSC yüksək statusa malik 26-cı ilini qeyd etdiyimiz bu sərgidə maraqlı stendi ilə iştirak edir. QSC-nin fəaliyyət sahələrini, həyata keçirdiyi ekoloji layihələrin və sosial sahəni əks etdirən stend, elektron məlumatlar və əyani materiallar sərgi iştirakçıları tərəfindən böyük maraqla izlənilir.
Təşkilatçılar və iştirakçılar əmindirlər ki, 26 illik bir dövrü arxada qoymuş bu sərgi regionun neft sektorunda əldə olunan nailiyyətlərin vizit kartı, habelə işgüzar əlaqələr və qarşılıqlı əməkdaşlıq üçün yeni perspektivlər yaradan platforma olaraq qalacaq.
ana səhifə
Satınalma
əlaqə
Futzal
Alternativ Enerji
Bu maraqlıdır
