Tanışlıq məqsədilə keçirilən görüşdə Mərkəzin rəisi Orxan Qəndilov qonaqları səmimi salamlayaraq Mərkəz haqqında geniş məlumat vermişdir. O, Azərbaycanda fəaliyyət göstərən neft-qaz şirkətlərində, kimya sənayesində istehsalat prosesləri zamanı formalaşan bütün növ tullantıların müasir tələblərə uyğun idarə edilməsi, çeşidlənməsi, qeydiyyatı, toplanması, zərərsizləşdirilməsi və utilizasiyası kimi bütöv bir prosesi əhatə etməklə tullantıların idarə edildiyi haqqında məlumat vermişdir.

Həmçinin görüş zamanı Mərkəzin ərazisinə baxış keçirilmiş, Almaniyanın “Econ” şirkətinin istehsalı olan “Vacu Dry” vakuum distillə qurğuları və qazma tullantılarının zərərsizləşdirilməsi prosesi haqqında geniş izahat vermişdir.

Daha sonra “Equinor” şirkətinin mütəxəssisləri ilə birlikdə təcrübə mübadiləsi aparılmış, “Vacu Dry” qurğularına oxşar texnologiyaların mənfi və müsbət cəhətləri müzakirə olunmuşdur. Mərkəzin yerləşdiyi geniş ərazi (34,32 ha), Mərkəzdə yaradılan geniş imkanlar, SOCAR-ın ekoloji siyasətinin “sıfır tullantı” prinsipinin ən qabaqcıl texnologiyalara əsaslanaraq quraşdırılan və istismar olunan “Vacu Dry” qurğuları Norveç mütəxəssisləri tərəfindən yüksək qiymətləndirilmişdir.

Sonda qonaqlara Mərkəzdə gözlənilən genişləndirmə işləri, alınacaq yeni qurğular və gələcək planlar barədə məlumat verilmişdir.