|
Xidmətlərimiz
|
|
|
|
“Ekol Mühəndislik Xidmətləri” QSC-də İnteqrə edilmiş Menecment Sistemləri üzrə keçirilən xarici auditin qapanış toplantısı keçirilmişdir.
|
“Ekol Mühəndislik Xidmətləri” QSC-də İSO-9001, İSO-14001 və OHSAS-18001 Beynəlxalq İdarəetmə Sistemləri (BİS) standartlarının tələblərinə əməl olunması və standartlara uyğunluğun yoxlanması üzrə Türk Standartları İnstitutunun (TSE) auditorları tərəfindən 27.06.2019-cu il tarixdən başlayan audit, şəffaf və işgüzar şəraitdə keçmiş, 28.06.2019-cu il tarixində başa çatmışdır. Bununla əlaqədar olaraq, davam edən xarici auditin Cəmiyyətin baş ofisində qapanış toplantısı keçirilmişdir. Toplantıda rəhbərlik, departament, sex və şöbə rəisləri, həmçinin TSE-nun Azərbaycandakı auditorları Xatirə Salahova, Osman Levent Demirçi iştirak etmişlər.
QSC-nin Baş direktoru Ramil Əliyev ilk olaraq çıxışında toplantı iştirakçılarını salamlayaraq sözü TSE-nun təmsilçisi Xatirə Salahovaya verdi. Təmsilçi öz çıxışında iki gün ərzində Standartların hər bir maddəsi üzrə yoxlama aparıldığını və fəaliyyətin standartın tələblərinə uyğunluğunu təsdiqləyərək, fəaliyyətimizi yüksək qiymətləndirdi. TSE-nun auditoru Osman Levent Demirçi Cəmiyyətimizin müvafiq struktur bölmələrində olduqlarını, hər üç standartın tələblərinə yüksək səviyyədə əməl olunduğunu bildirdi və İSO 14001-2015 “Ətraf Mühit İdarəetmə Sistemi” üzrə sertifikatın yenilməsi vacibliyini vurğuladı. Daha sonra çıxış edənlər xarici auditin şəffaf şəraitdə keçirilməsinə, dəyərli tövsiyələrinə və göstərdikləri dəstəyə görə TSE təmsilçilərinə öz dərin təşəkkürlərini bildirmişlər. Növbəti illərdə də QSC-nin bütün fəaliyyət sahələrində İSO-9001-2015, İSO-14001-2015 və OHSAS-18001 BİS-nin tələblərinə yüksək səviyyədə əməl olacağını TSE təmsilçilərinin diqqətinə çatdırmışlar. Bununla da TSE təmsilçilərinin QSC-də iki gün ərzində keçirdikləri xarici auditin nəticələrinə həsr olunmuş qapanış toplantısı başa çatmışdır.
tarix : 28.06.2019
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
