Hazırda payız mövsümü ilə əlaqədar olaraq QSC-nin Torpaqların Rekultivasiyası Departamenti SOCAR-ın Qaz Emalı Zavodunun ərazisində 11 min 877 ədəd, “Azneft” İB-nin “BibiHeybətneft” NQÇİ-nin ərazisində 58 min 763 ədəd, “Abşeronneft” NQÇİ-nin (Pirallahı) ərazisində 42 min 500 ədəd və H.Z.Tağıyev adına NQÇİ-nin mədən ərazilərində 4 min 510 ədəd müxtəlif növ ağac, bəzək kollarına yüksək səviyyədə aqrotexniki xidmətlər göstərir.
Bununla yanaşı cəmiyyətin inzibati binalarının və xidmət göstərdiyimiz Ekologiya İdarəsinin Tullantıların İdarə edilməsi mərkəzinin ərazilərində yaşıllıq sahələrinin genişləndirilməsi məqsədilə müxtəlif növ ağacların, bəzək kollarının əkilməsi təmin edilir. Torpaqların Rekultivasiyası Departamenti 1-ci və 2-ci sahəsinin işçilərinin göstərdiyi yüksək səviyyəli aqrotexniki xidmətlər, yaşıllıq sahələrinin damcı və mexaniki üsulla suvarılması bitkilərin normal inkişafını təmin edir.
Bütün bunlarla yanaşı “Azneft” İB-nin “BibiHeybətneft” NQÇİ-nin mədən ərazisində quraşdırılmış istixanada yetişdirilən 21 min 500 ədəd müxtəlif növ ağac və gül kollarına Departamentin yaşıllaşdırma üzrə 2-ci sahəsinin işçiləri tərəfindən yüksək səviyyədə qulluq edilir.
Hazırda “Ekol Mühəndislik Xidmətləri” QSC-nin ərazilərində payız mövsümü ilə əlaqədar yaşıllıq sahələrinin genişləndirilməsi və yüksək səviyyəli aqrotexniki xidmətlərin göstərilməsi istiqamətində zəruri tədbirlər həyata keçirilir.