Ötən illərdə olduğu kimi 2019-cu ildə də QSC-nin işçilərinin və ailə üzvlərinin yay istirahətləri iyul ayından başlayaraq respublikamızın səfalı guşələrindən olan Nabran istirahət zonasında “Palma”, Qusar rayon ərazisində yerləşən “Qusar göl” və “Park Qusar”, Lerikdə “Meşəbəyi” və “Relax”, Lənkaranda “Palıdlı” və Ağsu rayonunun gəzməli yerlərində təşkil olunmuşdur. Bu istirahət mərkəzlərində 186 nəfər işçi və işçinin ailə üzvləri 1, 5 və 10 günlük istirahətdə olmuşlar.
Bunlarla yanaşı “Ekol Mühəndislik Xidmətləri” QSC-də çalışan 57 nəfər işçinin sağlamlıqlarının qorunması məqsədi ilə respublikamızda yerləşən “Bilgəh”, “Abşeron”, “Naftalan”, “Günəşli”, “Şəfa” və “Şıx” müalicəvi kurort sanatoriyalarında təyinatları üzrə müalicələri təşkil edilmişdir.
Bununla da 05.09.2019-cu il tarixindən etibarən QSC-də çalışan işçilərin və onların ailə üzvlərinin yay mövsümündə istirahətləri başa çatmışdır. Mövsümün sonunda istirahətdə olan işçilər istirahətlərinin yüksək səviyyədə təşkili üçün rəhbərlik və Həmkarlar İttifaqı Komitəsinə öz minnətdarlıqlarını bildirmişlər.