“Ekol Mühəndislik Xidmətləri” QSC-nin Baş direktorunun 1 oktyabr 2019-cu il tarixli, 02/S saylı Sərəncamı ilə təsdiq edilmiş qrafikə uyğun olaraq, xidmət göstərilən Ekologiya İdarəsinin Tullantıların İdarə Edilməsi Mərkəzində çalışan mühəndis-texniki və işçi heyətinin “Əməyin mühafizəsi və texniki təhlükəsizlik qaydaları üzrə təlimatlandırılması, öyrədilməsi və biliklərinin yoxlanılması qaydaları haqqında” təlimata əsasən oktyabrın 15-dən biliklərinin yoxlanılmasına başlanmışdır.
İmtahanın keçirilməsində əsas məqsəd bu kateqoriyadan olan işçilər tərəfindən texniki təhlükəsizlik qaydalarının, təlimatların və ən başlıcası OHSAS 18001 Beynəlxalq Standartının tələblərinin dərindən mənimsənilməsindən və maarifləndirmə tədbirlərinin istiqamətlərinin müəyyən edilməsindən ibarətdir. QSC-nin Baş direktorunun SƏTƏM üzrə müavini Eldəniz Həsənlinin sədrliyi ilə mühəndis-texniki və işçi heyətinin əməyin mühafizəsi və təhlükəsizlik texnikası üzrə biliklərin yoxlanılması komissiya üzvlərinin iştirakı ilə keçirilən imtahan Tullantıların İdarə Edilməsi Mərkəzində oktyabrın 16-da başa çatmışdır.
tarix : 18.10.2019
|