Qış mövsümünə hazırlıqla əlaqədar “Tədbirlər Planı”na uyğun olaraq, donmanın və itkilərin qarşısını almaq məqsədilə istehsalat sahələrində 1100 metrdən çox buxar və su boru xətlərində izolyasiya işləri yerinə yetirilmişdir. Yeraltı su tutumları çirkabdan təmizlənmişdir. TED-nin 6-cı və 4-cü sahələrindəki (H.Əliyev adına NEZ-nun 9-cu sahəsinin ərazisi) məişət binalarının, flotator nasosxanasının, Elektromexanika sexinin 2 və 3 saylı qazanxanalarının 785 m2 dam örtükləri dəyişdirilir, ümumilikdə bütün sahələr üzrə əsaslı cari təmir-bərpa işləri yerinə yetirilir.
Qış mövsümünə hazırlıqla əlaqədar, QSC-nin Nəqliyyat sexində də müvafiq işlər görülür. Texniki təhlükəsizlik təlimatlarına uyğun olaraq, nəqliyyat vasitələri qiş mövsümünə uyğun olaraq texniki baxışdan keçirilmişdir. Nəqliyyat vasitələri üzərində zərurui sazlama işləri aparılır.
“Tədbirlər Planı”na uyğun olaraq Elektromexanika sexinin işçiləri tərəfindən cəmiyyət üzrə bütün sahələrin elektrik və istilik təsərrüfatlarında profilaktik təmir işləri yerinə yetirilmiş, tam işlək vəziyyətə gətirilmişdir. İstehsalatda çalışan bütün işçilər qış geyimləri ilə təmin olunmuş və qış şəraitinin iş rejimi ilə təlimatlandırılmışlar.
Qış mövsümü ilə əlaqədar QSC-nin yaşıllaşdırma sahələrində də məqsədyönlü işlər həyata keçirilmişdir. Ağaclarda budama işləri vaxtında başa çatdırılmışdır. Sahələrə gübrələr verilir və soyuqdan qorunma üçün qabaqlayıcı tədbirlər görülür.
“Ekol Mühəndislik Xidmətləri” QSC-nin xidmət göstərdiyi SOCAR-ın Ekologiya İdarəsinin Tullantıların İdarə Edilməsi Mərkəzində qarlı, şaxtalı hava şəraitində işçi heyətin və nəqliyyat vasitələrinin təhlükəsizliyinin təmin edilməsi məqsədi ilə drenaj xəttinin üzərindəki metal tor örtükləri yenisi ilə əvəz olunur.
Qış mövsümünə hazırlıqla əlaqədar, “Tədbirlər Planı”nda nəzərdə tutulmuş işlərin vaxtında və keyfiyyətlə yerinə yetirilməsi “Ekol Mühəndislik Xidmətləri” QSC-nin bu mövsümün yüksək səviyyədə keçirməsinə zəmin yaradır.