Azərbaycan Respublikasının  Prezidenti cənab İlham Əliyevin Sərəncamına əsasən böyük Azərbaycan şairi və mütəfəkkiri İmadəddin Nəsiminin 650 illik yubileyi ilə əlaqədar 2019-cu il “Nəsimi ili” elan olunmuşdur.

Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə mütəfəkkir şair İmadəddin Nəsiminin 650 illik yubileyi münasibətilə bir gündə respublikamızda 650 min ağac əkilmişdir. Azərbaycanın ədəbi və mədəni irsinin tanıdılması məqsədi daşıyan bu nəcib təşəbbüsə respublikamızın bütün bölgələrində geniş ictimaiyyət nümayəndələri, dövlət və hökumət qurumlarının, icra hakimiyyəti orqanlarının, qeyri-hökumət təşkilatlarının nümayəndələri, könüllü gənclər və SOCAR-ın çoxminli kollektivi qoşulmuşlar. Bu tədbirdə SOCAR 100 min ağacın əkilməsini öz üzərinə götürmüşdür.

Bu məqsədlə 06.12.2019-cu il tarixində “Ekol Mühəndislik Xidmətləri” QSC SOCAR-ın Ekologiya idarəsi ilə birlikdə xidmət göstərdiyimiz SOCAR Ekologiya İdarəsinin Tullantıların İdarə Edilməsi Mərkəzində 3 min ağac əkilməsi kampaniyası keçirmişlər.

Mütəfəkkir şair İmadəddin Nəsiminin 650 illik yubileyi münasibətilə bir gündə respublikamızda 650 min ağac əkmək kimi nəcib təşəbbüsündə “Ekol Mühəndislik Xidmətləri” QSC – nin kollektivi  tərəfindən 1500 ağac əkilmişdir.

Qeyd edək ki, Birinci vitse-prezident Mehriban xanım Əliyevanın təşəbbüsü ilə bir gündə 650 min ağac əkilməsi, dahi şairin irsinin insanların, xüsusilə də gənc nəslin diqqətinə çatdırır və onları ekoloji problemlərin həllində birgə fəaliyyətə səsləyir.

    Enerji mənbəyi kimi tükənən - bərpa olunmayan...