|
10 oktyabr 2019-cu il tarixdən “Ekol Mühəndislik Xidmətləri” QSC-nin strukturunda Dezinfeksiya şöbəsi yaradılmışdır.
Dezinfeksiya şöbəsinin əsas məram və məqsədi SOCAR-ın strukturuna daxil olan qurumlarda, birgə müəssisələrdə və başqa təşkilatlarda mövcud müqavilələrə əsasən yoluxucu xəstəliklərin əmələ gəlməsi və yayılması, dezinfeksiya, deratizasiya, dezinseksiya, su çənlərində dezinfeksiya tədbirlərinin aparılması, işçi personalın sürünənlərdən və gəmiricilərdən mühafizəsi məqsədi daşıyır. Şöbənin nəzdində Beynəlxalq Standartların tələblərinə cavab verən, ixtisaslı kadrlardan təşkil olunmuş laboratoriya fəaliyyət göstərir. Proseslərə nəzarət, dərman preparatlarının, gəmiricilər və digər həşəratlar üçün aldadıcı yemlər və kimyəvi maddələrdən faizli məhlulların hazırlanması, həmin dərman preparatlarının müvafiq sənədlər əsasında kip bağlanmış qablarda cavabdeh şəxslərə təhvil verilməsi laboratoriya işçiləri tərəfindən həyata keçirilir. Bütün bu işlərin aparılması üçün şöbə müasir və yüksək keyfiyyətli avadanlıqlar, dərman preparatları və nəqliyyat vasitələri ilə təmin olunmuşdur. Dezinfeksiya şöbəsi öz işini “Ekol Mühəndislik Xidmətləri” QSC-də tətbiq edilən İSO 9001 Keyfiyyət, İSO 14001 Ətraf mühit və OHSAS 18001 Əməyin mühafizəsi Beynəlxalq Standartlarına əməl etməklə həyata keçirir. Bu işlərin davamı olaraq Dezinfeksiya şöbəsinin işçiləri tərəfindən SOCAR-ın Baş ofisində, Heydər Əliyev adına Neft Emalı zavodunun, Azərkimya İstehsalat Birliyinin, Kompleks Qazma İşləri trestinin, Bakı Ali Neft məktəbinin, Nəqliyyat idarəsinin, Azəriqaz İstehsalat Birliyinin və digər idarə və müəssisələrinin inzibati binalarında, istehsalat sahələrində, soyunub-geyinmə otaqlarında, sanitar qovşaqlarında, qida qəbulu otaqlarında və zirzəmilərində dezinfeksiya, dezinseksiya və deratizasiya işləri aparılmışdır. Bu kimi işlər şöbənin işçiləri tərəfindən mütəmadi davam etdirilir.
tarix : 04.03.2020
|
ana səhifə
Satınalma
əlaqə
Futzal
Alternativ Enerji
Bu maraqlıdır
