İş yerlərində SOCAR-ın 03 mart 2020-ci il tarixli əmrində nəzərdə tutulmuş profilaktik tədbirlərin, Azərbaycan Respublikası Nazirlər Kabineti yanında operativ Qərargahın və Ümumdünya Səhiyyə Təşkilatı tərəfindən müəyyən olunmuş tədbirlərin yerinə yetirilməsi üçün Koronavirus (COVİD-19) infeksiyasının yayılmasının qarşısını almaq məqsədilə "Ekol Mühəndislik Xidmətləri" QSC-nin Dezinfeksiya şöbəsinin əməkdaşları bir sıra həlli vacib işlər yerinə yetirmişlər. 

SOCAR-ın Təsərrüfat İdarəsinin, “Azneft” İstehsalat Birliyinin, Azərkimya İstehsalat Birliyinin, Azəriqaz İstehsalat Birliyinin, Sənaye Təhlükəsizlik İdarəsinin, Geologiya Geofizika İdarəsinin, İnformasiya Texnologiyalar və Rabitə İdarəsinin, Kompleks Qazma İşləri Trestinin, Marketinq İqtisadi Əlaqələr İdarəsinin, Qaz Emalı Zavodunun, Qaz İxracı İdarəsinin, Təhlükəsizlik İdarəsinin, Nəqliyyat İdarəsinin, Neftqaztikinti trestinin, Neft Kəmərləri İdarəsinin, Metanol zavodunun, Karbamit zavodunun, Ekologiya İdarəsinin inzibati binalarında, H.Əliyev adına Neft Emalı Zavodunun inzibati binasında və sahələrində, Bakı Olimpiya Stadionunda, xidmət göstərdiyimiz SOCAR-ın Ekologiya İdarəsinin Tullantıların İdarə Edilməsi Mərkəzində, o cümlədən "Ekol Mühəndislik Xidmətləri" QSC-nin baş ofisində, Torpaqların Rekultivasiyası Departamentinin 1-ci (“Abşeronneft” və H.Z.Tağıyev adına NQÇİ-lərin mədən əraziləri), 2-ci (Qaz Emalı zavodunun ərazisi, “Bibiheybətneft” NQÇİ-nin mədən əraziləri) sahələrində, Tullantıların Emalı Departamentinin 3, 4, 5, 6-cı (H.Əliyev adına NEZ-in 9-cu sahəsinin ərazisi) sahələrində və O.Vəliyev 1 ünvanında yerləşən inzibati binada ümumilikdə 890 273 kv.m sahədə Koronavirus (COVİD-19) infeksiyası əleyhinə dezinfeksiya işləri yerinə yetirilmişdir.

Hal hazırda tətbiq olunmuş karantin günləri ərəfəsində Dezinfeksiya şöbəsinin əməkdaşları tərəfindən Koronavirus (COVİD -19) infeksiyasının yayılması əleyhinə dezinfeksiyası işləri SOCAR-ın idarə və müəssisələrində, birgə müəssisələrdə  və "Ekol Mühəndislik Xidmətləri" QSC-nin fəaliyyət sahələrində mütəmadi olaraq davam etdirilir.