Karantin günlərində (08-13 aprel 2020) Dezinfeksiya şöbəsinin əməkdaşları Koronavirus infeksiyasının ölkəmizdə yarada biləcəyi təhlükənin qarşısının alınması məqsədilə həyata keçirilən təxirə salınmaz dezinfeksiya işlərini gücləndirilmiş iş rejimində SOCAR-ın strukturuna daxil olan idarə və müəssisələrdə, birgə müəssisələrdə, İdman Komplekslərində və QSC-nin xidmət göstərdiyi sahələrdə davam etdirmişlər.
İş yerlərində SOCAR-ın 03 mart 2020-ci il tarixli əmrində nəzərdə tutulmuş profilaktik tədbirlərin, Azərbaycan Respublikası Nazirlər Kabineti yanında operativ Qərargahın və Ümumdünya Səhiyyə Təşkilatı tərəfindən müəyyən olunmuş tədbirlərin yerinə yetirilməsi üçün Koronavirus (COVİD-19) infeksiyasının yayılmasının qarşısını almaq məqsədilə "Ekol Mühəndislik Xidmətləri" QSC-nin Dezinfeksiya şöbəsinin əməkdaşları bir sıra həlli vacib işlər yerinə yetirmişlər. SOCAR-ın baş ofisində, “Azneft” İstehsalat Birliyinin, Azərkimya İstehsalat Birliyinin, Azəriqaz İstehsalat Birliyinin, Bakı Ali Neft Məktəbinin, Sənaye Təhlükəsizlik İdarəsinin, Geologiya Geofizika İdarəsinin, İnformasiya Texnologiyalar və Rabitə İdarəsinin, Kompleks Qazma İşləri Trestinin, Marketinq İqtisadi Əlaqələr İdarəsinin, Qaz Emalı Zavodunun, Qaz İxracı İdarəsinin, Təhlükəsizlik İdarəsinin, Nəqliyyat İdarəsinin, Neft Kəmərləri İdarəsinin, Metanol zavodunun, Karbamid zavodunun, H.Əliyev adına Neft Emalı Zavodunun inzibati binasında və sahələrində, Neftqaztikinti trestinin 6 saylı Tikinti Quraşdırma Bölümündə (TQB), Bakı Olimpiya Stadionunda və xidməti otaqlarda, o cümlədən "Ekol Mühəndislik Xidmətləri" QSC-nin baş ofisində, Torpaqların Rekultivasiyası Departamentinin 1-ci (“Abşeronneft” və H.Z.Tağıyev adına NQÇİ-lərin mədən əraziləri), 2-ci (Qaz Emalı zavodunun ərazisi, “Bibiheybətneft” NQÇİ-nin mədən əraziləri) sahələrində, Tullantıların Emalı Departamentinin 3, 4, 5, 6-cı (H.Əliyev adına NEZ-in 9-cu sahəsinin ərazisi) sahələrində ümumilikdə 693 575 kv.m sahədə Koronavirus (COVİD-19) infeksiyası əleyhinə dezinfeksiya işləri yerinə yetirilmişdir. Hal hazırda tətbiq olunmuş karantin günləri ərəfəsində Dezinfeksiya şöbəsinin əməkdaşları tərəfindən Koronavirus (COVİD-19) infeksiyasının yayılması əleyhinə dezinfeksiya işləri SOCAR-ın idarə və müəssisələrində, birgə müəssisələrdə və "Ekol Mühəndislik Xidmətləri" QSC-nin fəaliyyət sahələrində mütəmadi olaraq davam etdirilir.
tarix : 14.04.2020
|