|
Xidmətlərimiz
|
|
|
|
“Ekol Mühəndislik Xidmətləri” QSC-də 26 iyun - “Silahlı Qüvvələr günü” nü qürur hissi ilə qarşılayırlar.
|
|
Azərbaycan xalqı öz müstəqilliyini əldə etdikdən sonra, bütün sahələrdə olduğu kimi nizami ordu quruculuğunun sürətlə inkişafı və təkmilləşdirilməsi, müdafiə qüdrətimizin artırılması istiqamətində də məqsədli tədbirlər həyata keçirməyə başlandı. 1991 -ci il oktyabrın 9-da Milli Ordunun yaranması haqqında Azərbaycan Respublikasının Ali Soveti qanun qəbul etdi. 1998-ci il may ayının 22-də isə Prezident Heydər Əliyevin Sərəncamı ilə Əlahiddə Azərbaycan Korpusunun yarandığı gün, 26 iyun - “Azərbaycan Respublikasının Silahlı Qüvvələr günü” elan olundu. Hər il bu şanlı tarix rəsmi dövlət bayramı kimi qeyd edilir.
“Ekol Mühəndislik Xidmətləri” QSC-nin kollektivini 26 iyun - “Silahlı Qüvvələr günü” münasibətilə təbrik edirik, xalqımıza sülh, əmin-amanlıq və qələbə dolu sevinc günləri arzulayırıq. Əsası Ümummilli Lider Heydər Əliyev tərəfindən qoyulmuş və Azərbaycan Respublikası Prezidenti cənab İlham Əliyev tərəfindən uğurla davam etdirilən ordu quruculuğu, milli ordumuzun bütün regionda qüdrətli bir orduya çevrilməsi göz önündədir. Azərbaycan Respublikasının Prezidenti Ali Baş Komandan İlham Əliyevin rəhbərliyinin səyi nəticəsində Milli Ordumuzun günü-gündən güclənməsi və bütün Qafqazda qüdrətli bir orduya çevrilməsindən qürur hissi duyuruq. Ümid edirik ki, Ali Baş Komandanın rəhbərliyi altında rəşadətli ordumuz torpaqlarımızın işğaldan azad olunmasında öz sözünü deyəcəkdir.
tarix : 26.06.2020
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
