Yay mövsümü ilə əlaqədar yaşıllıq sahələrində ağacların diblərinin boşaldılması, suvarılması işləri və gübrələrlə təmin edilməsi, həmçinin yaşıllıq sahələrində bərpa işlərinin aparılması istiqamətində zəruri tədbirlər görülür, fasiləsiz olaraq ağacların sayı artırılır. Bu məqsədlə yaşıllaşdırma sahələrində 17 375 (Qala ərazisində 7655, “BibiHeybətneft” ərazisində 9720) ədəd mühitə davamlı müxtəlif ağac növləri əkilmişdir.
Hazırda TRD SOCAR-ın Qaz Emalı Zavodunun ərazisində 11 min 877 ədəd, "Azneft" İB-nin “BibiHeybətneft” NQÇİ-nin mədən ərazisində 74 min 483 ədəd, “Abşeronneft” NQÇİ-nin mədən ərazisində (Pirallahı) 53 min 300 ədəd, H.Z. Tağıyev adına NQÇİ-nin mədən ərazisində (Qala) 12165 ədəd, TRD-nin inzibati binasının ərazisində (A-4 Zığ sahəsi) isə 4 min 553 ədəd müxtəlif növ ağac və bəzək kollarına yay mövsümü ilə əlaqədar aqrotexniki xidmətlər göstərilir.
Yaşıllıq sahələrindəki bitkilər lazım olan ehtiyat qida maddələri, üzvi və mineral gübrələr, münbit torpaq, peyin və su ilə mütəmadi olaraq təmin edilir. Əlavə olaraq budanma işləri və quruyan ağacların yenisi ilə əvəz edilməsi işləri davam etdirilir.
Beləliklə TRD-nin 1-ci və 2-ci sahələrində çalışan işçilər ümumilikdə 62,69 ha sahədə 151 825 ədəd müxtəlif növ ağac, bəzək kolları və bitkilərə aqrotexniki xidmətlərin göstərilməsi zamanı COVİD-19 pandemiyası ilə əlaqədar qoruyucu maska, əlcək, sosial məsafəyə riayət etməklə işləri yüksək səviyyədə yerinə yetirirlər.
QSC-nin Torpaqların Rekultivasiyası Departamentinin xidmət göstərdiyi yaşıllıq sahələrində yay mövsümi işlərinin aqrotexniki qaydalara uyğun və keyfiyyətlə yerinə yetirilməsi istiqamətində zəruri tədbirlər davam etdirilir.