“Ekol Mühəndislik Xidmətləri” QSC-də İSO-9001, İSO-14001 və OHSAS-18001 Beynəlxalq İdarəetmə Sistemləri (BİS) standartlarının tələblərinə əməl olunması və standartlara uyğunluğun yoxlanması üzrə Türk Standartları İnstitutunun (TSE) auditorları tərəfindən 16.09.2020-ci il tarixdən başlayan audit şəffaf, işgüzar şəraitdə keçmiş və 18.09.2020-ci il tarixində başa çatmışdır.
Videokonfransda departament, sex və şöbə rəisləri, həmçinin TSE-nun Azərbaycandakı auditorları Xatirə Salahova və Gülhanarzu Üzereroğlu iştirak etmişlər.
Auditorlar müvafiq struktur bölmələrlə əlaqə yaratmış və lazım olan informasiyaları əldə etmişlər.
TSE-nun təmsilçiləri struktur bölmələr üzrə üç gün ərzində Standartların hər bir maddəsi üzrə əlaqələr yaratmış və fəaliyyətin standartın tələblərinə uyğunluğunu təsdiqləyərək, fəaliyyətimiz yüksək qiymətləndirilmiş, hər üç standartın tələblərinə yüksək səviyyədə əməl olunduğunu bildirmişlər. Daha sonra cəmiyyətin struktur bölmə rəhbərləri videokonfransda iştirak edən xarici auditin şəffaf şəraitdə keçirilməsinə, dəyərli tövsiyələrinə və göstərdikləri dəstəyə görə TSE təmsilçilərinə öz dərin təşəkkürlərini bildirmişlər. Növbəti illərdə də QSC-nin bütün fəaliyyət sahələrində İSO-9001, İSO-14001 və OHSAS-18001 BİS-nin tələblərinə yüksək səviyyədə əməl olacağını TSE təmsilçilərinin diqqətinə çatdırmışlar.
Bununla da TSE təmsilçilərinin QSC-də üç gün ərzində keçirdikləri xarici auditin nəticələrinə həsr olunmuş videokonfrans başa çatmışdır.