İş yerlərində SOCAR-ın 15 oktyabr 2020-ci il tarixli telefonoqramında nəzərdə tutulmuş profilaktik tədbirlərin, Azərbaycan Respublikası Nazirlər Kabineti yanında Operativ Qərargahın və Ümumdünya Səhiyyə Təşkilatı tərəfindən müəyyən olunmuş tədbirlərin yerinə yetirilməsi üçün Koronavirus (COVİD-19) infeksiyasının yayılmasının qarşısını almaq məqsədilə “Ekol Mühəndislik Xidmətləri” QSC-nin Dezinfeksiya şöbəsinin əməkdaşları tərəfindən müntəzəm olaraq dezinfeksiya işləri aparılır.
SOCAR-ın İnsan Resursları Departamenti və Təsərrüfat İdarəsində, “Azneft” İstehsalat Birliyinin inzibati binasında və onun struktur bölmələri olan Maddi Texniki Təchizat İdarəsində, Bibiheybətneft, Abşeronneft, Ə.Əmirov, H.Z.Tağıyev adına NQÇİ-lərin inzibati binalarında, Dalma Qurğularının təmiri və kirayəsi üzrə Ekspedisiyasında, Qaz Anbarlarının İstismar İdarəsinin inzibati binasında, Elektrik Avadanlıqları və Elektrik Təchizatı, Qaradağ Kompressor, Qazsazlaşma, Quyuların əsaslı və yeraltı təmiri, İstismar Avadanlıqları təmiri sahələrində, “Neftqaztikinti” trestinin 7 saylı Tikinti Quraşdırma Bölümündə, Sosial İnkişaf İdarəsinin inzibati binasında, Neftqazelmitədqiqatlayihə İnstitutunda, Neft Kəmərləri İdarəsinin inzibati binasında, onun strukturuna aid olan Anbar Təsərrüfat bölümündə, Qaradağ İstehsalat bölümünün Daşqil Neftin Nəqli, sahəsində, Azərkimya İstehsalat Birliyinin inzibati binasında, onun struktur bölmələri olan Etilen-Polietilen zavodunda və Təmir Tikinti idarəsində, Qaz İxracı İdarəsinin inzibati binasında və onun struktur bölmələri olan Buzovna, Mərdəkan Qaz Paylayıcı sahələrində, Azəriqaz İstehsalat Birliyinin inzibati binasında, onun struktur bölmələri olan Metrologiya Departamentində, Anbar Təsərrüfatında, Layihə konstruktor bürosunda, Təmirquraşdırma sahəsində, Bakı Regional Qaz İstismar Departamentinin inzibati binasında, Nərimanov, Nəsimi, Yasamal, Binəqədi, Səbail və Abşeron İstismar Xidmətlərində, Təmir Tikinti, Qəza Təmir Bərpa İdarələrində, Geofizika və Geologiya İdarəsinin inzibati binasında, onun strukturuna aid olan Kompleks Mühəndis Axtarışı İstehsalat, Mədəngeofizika İstehsalat Bölümlərində, Sənqaçal sahəsində, Kəşfiyyatgeofizika İstehsalat Bölümünün Geofiziki Materialların Emalı İnpretasiya Ekspredisiyasında, Sənaye Təhlükəsizliyi İdarəsinin inzibati binasında, Marketinq və İqtisadi Əməliyyatlar İdarəsinin inzibati binasında və onun struktur bölməsi olan Bakı Neft Bazasında, İnformasiya Texnologiyaları və Rabitə İdarəsinin inzibati binasında və onun strukturuna aid olan Daşgil – Sanqaçal, Qobustan Rabitə İnformasiya sahələrində, Nəqliyyat İdarəsinin inzibati binasında, onun struktur bölmələri olan 1, 2, 4, 5, 6 saylı Texnoloji Nəqliyyat Departamentlərinin inzibati binalarında və onların nəqliyyat vasitələrində, H.Əliyev adına Neft Emalı Zavodunun inzibati binasında, onun struktur bölmələri olan 1, 3, 8, 9, 11, 13, 16, 17, 18, 26-cı sahələrində, Bakı Ali Neft Məktəbində, Neftçi İB İdman Klubunda, AzGERNEFT MMC, eyni zamanda “Ekol Mühəndislik Xidmətləri” QSC-nin baş ofisində, O.Vəliyev 1 ünvanında yerləşən inzibati binada, Torpaqların Rekultivasiyası Departamentinin 1-ci (“Abşeronneft” və H.Z.Tağıyev adına NQÇİ-lərin mədən əraziləri), 2-ci (“Bibiheybətneft” NQÇİ-nin mədən və Qaz Emalı zavodunun əraziləri) sahələrində, Tullantıların Emalı Departamentinin 3, 4, 5, 6-cı (H.Əliyev adına NEZ-in 9-cu sahəsinin ərazisi) sahələrində, məişət və geyinib-soyunma otaqlarında ümumilikdə 364 517 m2 deratizasiya, 224 621 m2 dezinseksiya və 342 636 m2 sahədə Koronavirus (COVİD-19) infeksiyası əleyhinə dezinfeksiya işləri yerinə yetirilmişdir.
Bundan başqa QSC-nin baş ofisində, inzibati binalarında və bütün xidməti sahələrində Koronavirus infeksiyasına yoluxması faktını müəyyən etmək məqsədi ilə, işçilərin hər gün işə başlamazdan əvvəl xüsusi cihaz vasitəsi ilə hərarətlərinin ölçülməsi, əllərin və ayaqların xüsusi vasitələrdən istifadə etməklə dezinfeksiya edilməsi, maarifləndirmə işlərinin aparılması ən vacib qabaqlayıcı tədbir kimi yoluxmanın qarşısını almaq məqsədi daşıyır.
Məlum olduğu kimi, Nazirlər Kabinetinin 2020-ci il 01 may tarixli “Sanitariya - epidemioloji salamatlıq haqqında” Azərbaycan Respublikası Qanunun 25-ci maddəsinə uyğun olaraq, ölkə ərazisində tətbiq edilən xüsusi karantin rejimi 2020-ci il 03 dekabr saat 00.00-dək uzadılmışdır.
Uzadılmış karantin rejimi dövründə Dezinfeksiya şöbəsinin əməkdaşları tərəfindən Koronavirus (COVİD-19) infeksiyasının yayılması əleyhinə dezinfeksiya işləri SOCAR-ın idarə və müəssisələrində, birgə müəssisələrdə, idman komplekslərində və “Ekol Mühəndislik Xidmətləri” QSC-nin fəaliyyət sahələrində mütəmadi olaraq davam etdirilir.