Odur ki, respublikamızın bütün sahələrdə güclü, inkişaf etmiş bir ölkəyə çevrilməsi üçün qüvvələrimizin birləşdirilməsi və qarşımızda duran vəzifələrin şərəflə yerinə yetirilməsi istiqamətində səylərimizi daha da artırmalıyıq.

Azərbaycan Respublikası Prezidenti, Ali Baş Komandan Cənab İlham Əliyevin yürütdüyü məqsədyönlü daxili və xarici siyasət nəticəsində yola saldığımız 2020-ci il ölkəmiz üçün uğurlu və qələbə ili olmuşdur. Belə ki 27 sentyabr Müzəffər Ordumuz   2-ci Qarabağ müharibəsində əks hücum zamanı 28 illik həsrətə son qoydu. 44 gün ərzində torpaqlarımız erməni işğalından azad edildi. Ölkəmizə sülh və əminamanlıq gətirildi.

2020-ci ildə ölkəmiz üçün bütün sahələrdə yadda qalan nailiyyətlər və böyük qələbələr qazanması üçün hərtərəfli zəmin yaranmışdır. Bu il “Ekol Mühəndislik Xidmətləri” QSC üçün də uğurlu il olmuş, qarşıya qoyulan tapşırıqlar layiqincə yerinə yetirilmişdir.

Bir daha xalqımızı 31 Dekabr Dünya Azərbaycanlılarının Həmrəylik günü və Yeni il bayramı münasibəti ilə təbrik edirik.