Düşmən üzərində möhtəşəm Zəfərin qazanılmasında öz töhfəsini verən Vətən Müharibəsi iştirakçıları Nəqliyyat sexinin sürücüsü Afiq Mahir oğlunu, TRD 2-ci sahənin bağbanları Surət Fərzəlibəylini və Emil Əhmədovu, TRD 1-ci sahənin bağbanı Habil Hacıyev və Tullantıların İdarə Edilməsi Mərkəzinin mühəndis - proqramlaşdırıcısı Cavid Əliyevi qələbə münasibətilə təbrik edir, torpaqlarımızın azad olunması üçün göstərdikləri fədakarlığa görə hər birinə öz minnətdarlığımızı bildiririk.
Ikinci Qarabağ müharibəsi və Xalqımızın haqq işi uğrunda canını qurban verən şəhidlərimizin əziz xatirəsi hər zaman anılacaq.
Diqqətə çatdırmaq lazımdır ki, Prezident İlham Əliyev və Birinci vitse-prezident Mehriban xanım Əliyeva şəhid ailələrinə, əlillərə, müharibə veteranlarına xüsusi diqqət və qayğı göstərirlər. Biz də bir kollektiv olaraq rəhbərlik və Həmkarlar İttifaqı Komitəsinin diqqət və qayğısı ön cəbhədə vuruşan əməkdaşlarımızın ailələrindən əskik olmamışdır. Onların ailələrinə və ailə üzvlərinə maddi və mənəvi dayaq hər zaman diqqət mərkəzində olmuşdur.
Vətən Müharibəsində ön və arxa cəbhələrdə fədakarlıq göstərən “Ekol Mühəndislik Xidmətləri” QSC - nin əməkdaşaları dövlətimizin qüdrətlənməsi, ölkəmizin çiçəklənməsi, doğma Qarabağımızın dirçəlişi, xalqımızın rifahı naminə bundan sonra da böyük məsuliyyətlə çalışacaqlarını bildirirlər.
Yaşasın Ali Baş Komandan, Yaşasın Müzəffər Ordu, Yaşasın Azərbaycan Xalqı, Qarabağ Azərbaycandır!