Xidmətlərimiz
|
|
|
|
1 Mart – “Ümumdünya Mülki Müdafiə Günü” - dür
|
Beynəlxalq Mülki Müdafiə Təşkilatının Baş Məclisinin qərarı ilə 1972-ci ildən etibarən, hər il 1 mart bu təşkilata üzv olan bütün ölkələrdə “Ümumdünya Mülki Müdafiə Günü” kimi qeyd olunur. Hazırda Beynəlxalq Mülki Müdafiə Təşkilatına dünyanın 100-dən çox ölkəsi daxildir. Bu təşkilatın əsas məqsədi dünya əhalisinin mühafizəsi sahəsindəki təcrübəni ümumiləşdirib yayılması, Mülki Müdafiə kadrlarının hazırlanması və təkmilləşdirilməsi, habelə təbii fəlakətlər və iri qəzalar zamanı dövlətlərarası qarşılıqlı yardımın təşkil edilməsindən ibarətdir. Azərbaycan Respublikası 1993-cü ildən bu nüfuzlu humanitar təşkilatın üzvlüyünə qəbul edilmiş və onun keçirdiyi bütün tədbirlərdə fəal iştirak edir.
Hər il olduğu kimi, bu il də “Ekol Mühəndislik Xidmətləri” QSC- də 1 Mart – “Ümumdünya Mülki Müdafiə Günü” ilə əlaqədar “Milli iqtisadiyyatın qorunmasına yönəlmiş güclü mülki müdafiə” mövzusunda qeyd olunmuşdur. Nizami və Xətai rayon Fövqəladə Hallar və Mülki Müdafiə şöbəsinin təsdiq etdiyi tədbirlər planına uyğun olaraq, QSC-nin bütün xidmət sahələrinə bu tədbir barədə məlumat verilmişdir. Ölkəmizdə koronovirus (Covid-19) pandemiyasının yayılma təhlükəsinin qarşısının alınması məqsədilə Azərbaycan Respublikası Nazirlər Kabunetinin tövsiyə və tapşırıqlarına əməl edilməklə qeyd olan mövzu haqqında bütün cəmiyyət üzrə struktur bölmələr məlumatlandırılmış, Mülki Müdafiənin insanların həyatındakı rolu haqqında və bu sahəyə cavabdeh şəxslərin daha da məsuliyyətli olmaları tövsiyə edilmişdir. 1 Mart - “ Ümumdünya Mülki Müdafiə Günü” münasibətilə QSC - də Mülki Müdafiənin rolu, görülən işlər və qarşıda duran vəzifələr haqqında cəmiyyət üzrə geniş məlumat verilmiş, Mülki Müdafiə sahəsinə aid sərbəst mövzularda geniş müzakirələrin aparılması bildirilmişdir.
tarix : 01.03.2021
|
|
|
|
|
|
|