2021-ci ilin 2 ayı (yanvar və fevral ərzində) Nəqliyyat sexi tərəfindən təmin edilmiş nəqliyyat vasitələri və xüsusi təyinatlı texnikalar ilə “Suraxanı OYL Opereyşn” Kompani S.A şirkətinin mədən ərazilərindən 3056 m3 mədən axıntı suların, SOCAR - ın “Neftqaztikinti” trestinin ərazisindən 198 m3, “Azəriqaz” İstehsalat Birliyinin Anbar Təsərrüfatı və Təmir Tikinti idarəsinin ərazisindən 210 m3 axıntı çirkab suların, xidmət göstərdiyimiz SOCAR - ın Ekologiya İdarəsinin Tullantıların İdarə Edilməsi mərkəzinin ərazisindən 1080 m3 neftli, kimyəvi tərkibli suların daşınması işlərini həyata keçirmişdir.
Su daşıyan nəqliyyat vasitəsilə QSC-nin Torpaqların Rekultivasiyası Departamentinin (TRD) xidmət göstərdiyi A-4 (Zığ sahəsi), “Eko Park” İnnovasiya Mərkəzinin ərazisindəki yaşıllıqların, ağacların və gül kollarının suvarılması üçün su daşınmaları yerinə yetirilmişdir. Eyni zamanda Tullantıların Emalı Departamentinin sahələrinin ərazilərindən ( H.Əliyev adına NEZ –nun 9-cu sahəsi) 20 m3 tullantı əşyaları və 172 m3 torpaq xüsusi texnikalar vasitəsi ilə daşınmışdır.
TRD-nin xidmət göstərdiyi sahələrə nəqliyyat vasitələri ilə torpaq, peyin, ağac tingləri daşınmışdır. Xüsusi texnikalar vasitəsi ilə sahələrdə müxtəlif ərazilər hamarlanaraq əkin üçün yararlı vəziyyətə gətirilmişdir.
Nəqliyyat sexinin istifadəsində olan xüsusi texnika və avtokran vasitələri daima istehsalata yönəldilərək müxtəlif təyinatlı işlər görülmüş, həmçinin qazel avtomobilləri ilə TRD-nin və TED-nin istehsalat sahələrinə, xidmət göstərdiyimiz SOCAR - ın Ekologiya İdarəsinin Tullantıların İdarə Edilməsi Mərkəzinə davamlı olaraq mal-materiallar və istehsalat avadanlıqları daşınmışdır.
Eləcə də TED-nin 5-ci (H.Əliyev adına NEZ-in 9-cu sahəsi) sahəsindən “Alfa Laval” şirkətinin dekanter qurğusunda iş prosesi nəticəsində formalaşan torpaqlar yükləyici və özüboşaldan nəqliyyat və texnikaların köməyi ilə xüsusi ərazilərə daşınmışdır. Nəqliyyat sexinin əsas məqsədi texniki vasitələrlə QSC – nin fəaliyyətinin prioritet vəzifəsi olan ətraf mühitin qorunması və ekoloji layihələrin yerinə yetirilməsində yaxından iştirak etməkdən ibarətdir.
Odur ki, ötən illərdə olduğu kimi, 2021 - ci ilin 2 ayı ərzində Nəqliyyat sexinin nəzdində fəaliyyət göstərən nəqliyyat vasitələrinə texniki xidmətlərin artırılması işləri, mövsümi rejimdə işləmələri üçün ehtiyat hissələri, yanacaq və sürtgü materialları ilə təmin edilmiş və hərəkətin təhlükəsizliyinin təmini məqsədilə sürücülərə vaxtaşırı təlimatlar keçirilmişdir.
“Ekol Mühəndislik Xidmətləri” QSC-nin xidmət göstərdiyi bütün sahələr üzrə nəqliyyat vasititələri və xüsusi texnikalar təlabata uyğun işlər yerinə yetirmişlər.