|
Bu gün 9 May – Qələbə günüdür. Alman faşizmi üzərində qələbədən 76 il ötür. Müharibə nəticəsində 60 milyona yaxın insan həlak olub. Azərbaycanlılar bu müharibədə istər ön, istərsə də arxa cəbhədə böyük fədakarlıqlar göstərmişdir. Qələbənin təmin olunmasında Bakı neftinin mühüm rolu olmuşdur. Müharibəyə yollanan 650 min Azərbaycan vətəndaşının 420 mini qayıtmayıb. Göstərdikləri misilsiz şücaətin müqabilində 43 azərbaycanlı Sovet İttifaqı Qəhrəmanı adına layiq görülüb. 30 nəfər isə “Şöhrət” ordeninin hər üç dərəcəsi ilə təltif edilib. İki dəfə Sovet İttifaqı Qəhrəmanı Həzi Aslanov və Sovet İttifaqı Qəhrəmanları öz şücaətləri ilə Azərbaycan xalqının tarixinə qızıl hərflərlə yazılıb. Qısa müddətdə Bakı döyüşən ordu üçün silah-sursat cəbhəxanasına çevrilib. Böyük çətinliklərə baxmayaraq, neftçilər qəhrəmanlıq və fədakarlıq göstərib, cəbhəni və sənayeni yanacaqla təmin ediblər. Neftçilərin fəal əməyi sayəsində Azərbaycan tarixində neft hasilatı üzrə rekord göstərici əldə edilib. 1941 – ci ildə 23,5 milyon ton “qara qızıl” çıxarılıb. Bu SSRİ – də çıxarılan bütün neftin 71,4 faizini təşkil edirdi. Bütövlükdə müharibə illərində Azərbaycan neftçiləri ölkəyə 75 milyon ton neft, 22 milyon ton benzin və digər neft məhsulları veriblər. Bakı nefti faşizm üzərində qələbənin əsas amillərindən biri olub. Təkcə onu demək kifayətdir ki, hər beş təyyarədən dördü, hər beş tankdan dördü, hər beş avtomobildən dördü Bakıdan göndərilən yanacaqla işləyib.
Faşizm üzərində Qələbə Azərbaycanda rəsmi dövlət bayramı kimi qeyd olunur. Odur ki, Qələbə gününün 76-cı il dönümü böyük təntənə ilə “Ekol Mühəndislik Xidmətləri” QSC-nin kollektivi tərəfindən qeyd edilir. Ümummilli Lider Heydər Əliyev müharibə iştirakçılarının və veteranlarının xidmətlərini çox yüksək qiymətləndirərək deyirdi: “ Veteranlar bizim qızıl fondumuzdur. Onlar hər cür qayğı və hörmətə layiqdirlər. Azərbaycanın bütün ictmaiyyəti, bütün Azərbaycan xalqı bilməlidir ki İkinci Dünya müharibəsinin, Böyük Vətən müharibəsinin veteranları bizim ən əziz və mötəbər insanlarımızdır. Onlara qayğı göstərmək, hörmət etmək, onların bütün problemlərini həll etmək bizim dövlətimizin, hər bir dövlət orqanının, hər bir namuslu Azərbaycan vətəndaşının börcudur!” Sevindirici haldır ki, Ümummilli Liderin bu siyasi kursu onun layiqli varisi Azərbaycan Respublikasının Prezidenti cənab İlham Əliyev tərəfindən uğurla davam etdirilir. Silahlı Qüvvələrin Ali Baş Komandanı, 44 günlük Vətən Müharibəsində “Dəmir Yumruq” əməliyyatına rəhbərlik edən, Azərbaycan Respublikasının Prezidenti cənab İlham Əliyev həm birinci, həm ikinci Qarabağ müharibəsi iştirakçılarına , qazilərinə, veteranlarına, şəhid ailəllərinə və Böyük Vətən Müharibəsi veteranlarına yüksək diqqət və qayğı ilə yanaşır. Onların sosial müdafiəsinin gücləndirilməsi istiqamətində ardıcıl və məqsədyönlü addımlar atır. Bütün bunlar Azərbaycanın keçdiyi şərəfli yola yüksək hörmətin təzahürü kimi xalqımız, həm Qarabağ müharibəsi iştirakçıları, qaziləri, veteranları və həm də Böyük Vətən Müharibəsi veteranları tərəfindən alqışla qarşılanır.
tarix : 09.05.2021
|
ana səhifə
Satınalma
əlaqə
Futzal
Alternativ Enerji
Bu maraqlıdır
