İş yerlərində SOCAR-ın 15 oktyabr 2020-ci il tarixli telefonoqramında nəzərdə tutulmuş profilaktik tədbirlərin, Azərbaycan Respublikası Nazirlər Kabineti yanında Operativ Qərargahın və Ümumdünya Səhiyyə Təşkilatı tərəfindən müəyyən olunmuş tədbirlərin yerinə yetirilməsi üçün Koronavirus (COVİD-19) infeksiyasının yayılmasının qarşısını almaq məqsədilə “Ekol Mühəndislik Xidmətləri” QSC-nin Dezinfeksiya şöbəsinin əməkdaşları tərəfindən müntəzəm olaraq dezinfeksiya işləri aparılır.

SOCAR-ın Təsərrüfat İdarəsi və İnsan Resursları Departamentində, “Azneft” İstehsalat Birliyinin inzibati binasında və onun strukturuna aid olan Maddi Texniki Təchizat İdarəsinin anbarlarında, Qaz Anbarları İstismarı İdarəsinin idarə aparatı və sahələrində, “28 may” NQÇİ-nin Qazın Tam Hazırlanması və Təhvili sahələrində (Dübəndi, Zirə), 8, 13, 15 saylı Dərin Dəniz Özülləri və sahələrində, “Abşeronneft”, “Bibiheybətneft”, Ə.Əmirov NQÇİ-nin inzibati binalarında, N.Nərimanov adına NQÇİ-nin Neftin Kompleks Hazırlanması və Nəqli sahəsində, Dalma Qurğularının Təmiri və Kirayəsi üzrə Eksperimental İstehsalat Müəssisəsində, 1 saylı Nəqliyyat İdarəsində, Dalğıc xidmətinin Pirallahı sahəsində, Neftqazelmitədqiqatlayihə İnstitutunun inzibati binasında,  Neft Kəmərləri İdarəsinin inzibati binasında və onun  strukturuna aid olan Qaradağ İstehsalat Bölümünün Daşgil, Qaradağ, Şirvan Neftin Nəqli  və Anbar Təsərrüfatı sahələrində, Abşeron  İstehsalat Bölümünün Sabunçu, Sumqayıt, Böyükşor, Suraxanı Neftin Nəqli sahələrində, “Neftqaztikinti” trestinin  inzibati binasında və onun strukturuna  aid olan 2, 6 və 7 saylı Tikinti Quraşdırma Bölümlərində,  Azərkimya İstehsalat Birliyinin inzibati binasında və onun struktur bölmələri olan Etilen - Polietilen zavodunda, Təmir Tikinti İdarəsinin sex və sahələrində, Qaz İxracı İdarəsinin inzibati binasında və onun struktur bölmələri olan Qaz Kəmərlərinin Korroziyadan Mühafizəsi Departamentində, Hacıqabul Magistral Qaz Kəmərlərinin inzibati binası və sahələrində, Abşeron Magistral Qaz Kəmərlərinin Zabrat-2 və Cilov Qaz Paylayıcı Stansiyalarında, Azəriqaz İstehsalat Birliyinin inzibati binası və onun struktur bölmələri olan Təmir Tikinti İdarəsinin Ümumi Tikinti, 1, 2 və 4 saylı Təmir Quraşdırma, 2 və 4 saylı Qəza Təmir Bərpa Xidməti sahələrində, Texniki Nəzarət şöbəsində, Qaz Kəmərlərinin Sökülməsi və Anbar Təsərrüfatı sahələrində, Layihə Konstruktor Bürosunda, Bakı Regional Qaz İstismar Departamentinin inzibati binasında və onun strukturuna aid olan Suraxanı, Qaradağ, Sumqayıt, Yasamal, Nəsimi, Binəqədi, Abşeron, Xəzər, Xətai, Sabunçu Texniki İstismar Xidmət sahələrində, Salyan Regional Qaz İstismar Departamentinin Şirvan, Salyan, Hacıqabul Xidmət sahələrində, Kompleks Qazma İşləri Trestinin inzibati binasında və onun strukturuna aid olan Anbar Təsərrüfatı Bölümünün 1 saylı anbarında, Geofizika və Geologiya İdarəsinin inzibati binasında və onun strukturuna aid olan Kəşfiyyat Geofizika İstehsalat Bölümünün Geofiziki Materialların İmpretasiya Ekspredisiyasında, Mədən Geofizika və Kompleks Mühəndis Axtarış İstehsalat Bölümlərində, Təhlükəsizlik və Sosial İnkişaf İdarələrinin inzibati binalarında,  Sənaye Təhlükəsizlik İdarəsinin inzibati binasında və onun struktur bölmələri olan 1 və 2  saylı Əməliyyat dəstələrində, Qaz Emalı və Karbamid zavodlarının inzibati binalarında, sex və sahələrində,  Marketinq və İqtisadi Əməliyyatlar İdarəsinin inzibati binasında və onun struktur bölmələri olan Bakı Neft,  Neft Məhsullarının Qəbulu və Göndərilməsi bazalarında, İnformasiya Texnologiyaları və Rabitə İdarəsinin inzibati binasında və onun struktur bölmələri olan “28 may” Rabitə xidmət, Rabitə İstehsalat, Qobustan, Abşeron-Qala, Daşgil-Sənqəçal Rabitə İnformasiya sahələrində, Nəqliyyat İdarəsinin inzibati binasında və onun struktur bölmələri olan 1, 2, 3, 4 və 6 saylı Texnoloji Nəqliyyat  Departamentlərinin inzibati binalarında, xüsusi texnika və nəqliyyat vasitələrində,  “Ekol Mühəndislik Xidmətləri” QSC-nin “Eko Park” İnnovasiya Mərkəzində, Bakı Olimpiya Stadionun ərazisində, eyni zamanda “Ekol Mühəndislik Xidmətləri” QSC-nin Baş ofisində, O.Vəliyev 1 ünvanında yerləşən inzibati binada, A-4 sahəsində, Tullantıların Emalı Departamentinin 3, 4, 5, 6-cı (H.Əliyev adına NEZ-in 9-cu sahəsinin ərazisi) sahələrində, Torpaqların Rekultivasiyası Departamentinin 1-ci (H.Z.Tağıyev adına NQÇİ-nin mədən ərazisi), 2-ci (“Bibiheybətneft” NQÇİ-nin mədən və Qaz Emalı zavodunun əraziləri) sahələrində, ümumilikdə 340 006 m2  deratizasiya, 250 910 m2  dezinseksiya və 364 915 m2 sahədə Koronavirus (COVİD-19) infeksiyası əleyhinə dezinfeksiya işləri yerinə yetirilmişdir.

Yaz mövsümü ilə əlaqədar SOCAR-ın strukturuna aid olan idarə və müəssisələrin ərazilərində 25 090 m2  sahədə sürünənlərə qarşı dərmanlama işləri aparılmışdır.

Bundan başqa QSC-nin baş ofisində, inzibati binalarında və bütün xidməti sahələrində Koronavirus infeksiyasına yoluxması faktını müəyyən etmək məqsədi ilə, işçilərin hər gün işə başlamazdan əvvəl xüsusi cihaz vasitəsi ilə hərarətlərinin ölçülməsi, əllərin və ayaqların xüsusi vasitələrdən istifadə etməklə dezinfeksiya edilməsi, maarifləndirmə işlərinin aparılması ən vacib qabaqlayıcı tədbir kimi yoluxmanın qarşısını almaq məqsədi daşıyır.

Məlum olduğu kimi, “Sanitariya - Epidemioloji Salamatlıq Haqqında” Azərbaycan Respublikası Qanunun  25-ci maddəsinə uyğun olaraq  Nazirlər Kabinetinin 2020-ci il 01 may tarixli qərarına əsasən ölkə ərazisində tətbiq edilən xüsusi karantin rejimi 2021-ci il 01 iyun saat  00.00-dək uzadılmışdır.

Uzadılmış karantin rejimi dövründə Dezinfeksiya şöbəsinin əməkdaşları tərəfindən Koronavirus (COVİD-19) infeksiyasının yayılması əleyhinə dezinfeksiya işləri SOCAR-ın idarə və müəssisələrində, birgə müəssisələrdə, idman komplekslərində və “Ekol Mühəndislik Xidmətləri” QSC-nin fəaliyyət sahələrində mütəmadi olaraq davam etdirilir.