5 iyun - “Ümumdünya Ətraf Mühit Günü” ilə bağlı hər il Respublikamızın müəssisə və təşkilatlarında o cümlədən “Ekol Mühəndislik Xidmətləri” QSC – də iməciliklər, ağacəkmə aksiyaları, abadlıq işləri, digər ekoloji maarifləndirmə tədbirləri, təqdimatlar keçirilir və əhalinin diqqəti bu həyati əhəmiyyətli problemlərə cəlb edilir.
“Ekol Mühəndislik Xidmətləri” QSC-də bu münasibətlə hər il olduğu kimi bu il də bir sıra tədbirlər həyata keçirmişdir. İlk növbədə 04.06.2021-ci il tarixdə QSC-nin xidmət göstərdiyi sahələrdə 5 iyun – “Ümumdünya Ətraf Mühit Günü” nə həsr olunmuş iməciliklər təşkil edilmiş, sahələrdə xeyli təmizlik, suvarma və abadlıq işləri yerinə yetirilmiş, ağacların dibləri boşaldılmış, budama işləri aparılmış, yaşıllıqlara qulluq göstərilmiş və tullantılar ərazilərdən kənarlaşdırılmışdır. Keçirilən iməcilik eyni zamanda əmək kollektivinin və ətrafda yaşayan sakinlərin diqqətini ekoloji problemlərə yönəldilməsi məqsədini daşımışdır.
İməcilikdə “Ekol Mühəndislik Xidmətləri” QSC-nin bütün kollektiv üzvləri iştirak etmişdir. Bu iməciliyin keçirilməsində əsas məqsəd ətraf mühitin mühafizəsi istiqamətində atılan hər bir addımın planetimizin ümumi ekoloji vəziyyətinin yaxşılaşdırılmasına və gələcək nəslin ekoloji böhrandan xilas olunmasına xidmət etmişdir.
Tədbirin davamı olaraq “Ekol Mühəndislik Xidmətləri” QSC-nin və SOCAR-ın Ekologiya İdarəsinin əməkdaşları ilə birlikdə “Eko-Park” İnnovasiya Mərkəzində
5 iyun – “Ümumdünya Ətraf Mühit Günü”nə həsr edilmiş sərgidə iştirak etdilər, sonra iməcilik keçirildi. Tədbir sonu iştirakçılar İnnovasiya Mərkəzində görülən işlərlə yaxından tanış olmuşlar.
Daha Sonra 5 iyun – “Ümumdünya Ətraf Mühit Günü” münasibətilə “Ətraf mühitin mühafizəsində rəqəmsallaşma” mövzusunda vebinar formatda təqdimat keçirilmişdir. Təqdimatda SOCAR-ın strukturuna aid olan təşkilatların 50-dən çox əməkdaşları və o cümlədən “Ekol Mühəndislik Xidmətləri”QSC-nin Ekoloji Monitorinq Departamentinin rəisi Şahabiddin Albuşov iştirak etmişlər. Vebinar formatda keçirilən mövzunun təqdimatı haqqında SOCAR-ın Ekologiya İdarəsinin əməkdaşı Pərvanə Babayeva ətraflı məlumat vermişdir.
5 iyun – “Ümumdünya Ətraf Mühit Günü” münasibəti ilə, “Ekol Mühəndislik Xidmətləri” QSC-nin rəhbərliyi tərəfindən EMD-nin Kompleks Tədqiqatlar Laboratoriyasının kimyaçısı Rəhimova Təranə İsmət qızı, TED-nin 5-ci sahəsinin texnoloji qurğuların operatoru Aslanov Ocaqverdi Nüsrət oğlu, TRD-nin 1-ci sahəsinin bağbanı Ağaxanov Ruslan Vahid oğlu, TRD-nin 2-ci sahəsinin bağbanı Quliyev Vəli İsmayıl oğlu, Tullantı Mərkəzinin yükdaşıyanı Əbülhəsənov Elmin Söhbət oğlu, “Eko - Park” İnnovasiya Mərkəzinin yaşıllaşdırma üzrə fəhləsi Heydərov Mirzə Novruz oğlu, Dezinfeksiya şöbəsinin həkim entimoloqu İsmayılov Sultan Tağı oğlu, İnzibati təsərrüfat şöbəsinin bağbanı Sadıqov Elnur Əli oğlu, Elektromexanika sexinin qazanxana operatoru Qaçayev Siracəddin Ağakərimoviç, Nəqliyyat sexinin istehsalat üzrə mühəndisi Kazımov Abbas Nazim oğlu Fəxri Fərmana layiq görülmüşlər. Fəxri Fərman alan işçilər onların əməyinə verilən diqqət və qayğıya görə cəmiyyətin rəhbərliyinə öz minnətdarlıqlarını bildirmişlər.