Xidmətlərimiz
|
|
|
|
“Ekol Mühəndislik Xidmətləri” QSC-də İnteqrə edilmiş Menecment Sistemləri üzrə keçiriləcək xarici auditin açılışı keçirilir.
|
10 iyun 2021-ci il tarixində Türk Standartları İnstitutunun (TSİ) Azərbaycandakı təmsilçiləri tərəfindən QSC-də növbəti xarici auditin keçirilməsinə başlanmışdır. Cəmiyyətin bütün struktur bölmələri üzrə keçiriləcək xarici auditdə Baş auditor Xatirə Salahova, TSİ-nun Azərbaycandakı təmsilçiləri Gülhan Arzu Yüzereroğlu və Namiq Həsənov iştirak edirlər. “Ekol Mühəndislik Xidmətləri” QSC-nin Baş direktoru Ramil Əliyev xarici auditor təmsilçisi Xatirə Salahova ilə görüşmüş, onu səmimi salamlayaraq ötən dövr ərzindəki fəaliyyət barədə ətraflı məlumat vermişdir. Audit zamanı Cəmiyyətimizin 2012-ci ildə qəbul etdiyi OHSAS 18001:2014 “Əməyin mühafizəsi və təhlükəsizliyi” Beynəlxalq Standartının yeni 45001:2018 versiyası ilə əvəz ediləcəyi və İSO 45001:2018 “Əməyin mühafizəsi və təhlükəsizliyi” Beynəlxalq Standartı yüksək səviyyəli quruluşa malik olmaqla İSO 9001-2015 və İSO 14001-2015 Standartlarına uyğunluğu haqqında məlumat verilmişdir ki, bu da digər İnteqrə Etmə Sistemlərinə asanlıqla inteqrasiyanı təmin edir.
Daha sonra auditorlar auditin məqsədini açıqlayaraq İSO 45001:2018 yeni versiya sertifikatının alınması və İSO 14001-2015 Beynəlxalq Standartının təsdiqlənməsindən ibarət olduğunu bildirmişlər. Auditin şəffaf və işgüzar şəraitdə keçirilməsi üçün hərtərəfli şəraitin yaradılacağı diqqətə çatdırılmışdır. Xarici audit QSC-nin struktur bölmələri əhatə olunmaqla iyun ayının 10-11 və 16-18 tarixlərində keçirilməsi nəzərdə tutulmuşdur.
tarix : 11.06.2021
|
|
|
|
|
|
|