Nəticə olaraq bütün Beynəlxalq təşkilatların 30 il ərzində edə bilmədiklərini Ali Baş Komandan Azərbaycan Respublikasının Prezidenti cənab İlham Əliyevin rəhbərliyi ilə Müzəffər Azərbaycan Ordusu işğalçı ölkə olan Ermənistanın ordusunu darmadağın edərək ərazi bütövlüyümüzü gerçəkləşdirdi. Beləliklə 27 Sentyabr 2020-ci ildə “Dəmir yumruq” əməliyyatı ilə başlayan əks-həmlə ikinci Qarabağ Vətən Müharibəsi Silahlı Qüvvələrimizin şanlı qələbəsi ilə başa çatdı. 44 gün davam edən hərbi əməliyyatlar çərçivəsində Azərbaycan Ordusu işğalçı Ermənistanın 30 il ərzində qurduğu silahlı qüvvələrini darmadağın edərək, noyabrın 9-dək 5 şəhər, 4 qəsəbə və 286 kəndi işğaldan azad edərək, böyük zəfərə imza atdı.

Azərbaycan Böyük Qələbənin ilk addım səslərini noyabrın 8-də Qarabağın ürəyi sayılan, incisi hesab olunan Şuşa şəhərinin işğaldan azad edildiyi ilk saatlarda eşitdi. Bəli, bu qədim yurd yerimizin, Azərbaycanın Mədəniyyət paytaxtının xilası ilə tam qələbəmizə yol açıldı. Düşmənin ağ bayraq qaldırmaq və kapitulyasiya etməkdən başqa yolu qalmadı. Azərbaycan Respublikasının Prezidenti cənab İlham Əliyevin sərəncamına əsasən Şuşa şəhərinin və onun işğaldan azad edilməsinin tarixi əhəmiyyəti nəzərə alınaraq qələbə - Zəfər Günü hər il noyabrın 8-də təntənəli şəkildə qeyd edilməsi qərara alınmışdır.    

Daha sonra 20.11.2020-ci ildə Ağdam rayonu, 25.11.2020-ci ildə Kəlbəcər rayonu və nəhayət 01.12.2020-ci il tarixində Laçın rayonu işğaldan azad edilərək Azərbaycana təhvil verildi.

Azərbaycan Silahlı Qüvvələri əldə etdiyi bu qələbələrin əsasını son 17 il ərzində qoyub. Ordumuzun güc-qudrətinə mühüm önəm verilib, ən müasir döyüş texnikaların alınması gerçəkləşdirilib. Əsgər və zabitlərimizin sosial şəraitinin yaxşılaşdırılması daim diqqət mərkəzində saxlanılıb. Azərbaycan Respublikasının Prezidenti cənab İlham Əliyev çıxışlarının birində bu barədə danışarkən, deyib: “Ordu quruculuğu mənim fəaliyyətimdə həmişə birinci yerdədir”. 

Azərbaycan xalqını və “Ekol Mühəndislik Xidmətləri” QSC-nin kollektivini 26 iyun – “Silahlı Qüvvələr günü” münasibətilə təbrik edirik, xalqımıza sülh, əmin-amanlıq və Ordumuza qələbə dolu sevincli günlər arzulayırıq.