İş yerlərində SOCAR-ın 15 oktyabr 2020-ci il tarixli telefonoqramında nəzərdə tutulmuş profilaktik tədbirlərin, Azərbaycan Respublikası Nazirlər Kabineti yanında Operativ Qərargahın və Ümumdünya Səhiyyə Təşkilatı tərəfindən müəyyən olunmuş tədbirlərin yerinə yetirilməsi üçün Koronavirus (COVİD-19) infeksiyasının yayılmasının qarşısını almaq məqsədilə “Ekol Mühəndislik Xidmətləri” QSC-nin Dezinfeksiya şöbəsinin əməkdaşları tərəfindən müntəzəm olaraq dezinfeksiya işləri aparılır.
SOCAR-ın Təsərrüfat İdarəsi və İnsan Resursları Departamentində, “Azneft” İstehsalat Birliyinin inzibati binası və onun strukturuna aid olan Maddi Texniki Təchizat İdarəsinin 2 saylı Səngəçal bazasında, Qaz Anbarları İstismarı İdarəsinin sahələrində, Ə.Əmirov , H.Z.Tağıyev NQÇİ-nin inzibati bina və sahələrində, N.Nərimanov adına NQÇİ-nin Neftin Kompleks Hazırlanması və Nəqli sahəsində, Dalma Qurğularının Təmiri və Kirayəsi üzrə Eksperimental İstehsalat Müəssisəsində, 1 saylı Texnolji Nəqliyyat Departamentində, 2 saylı Nəqliyyat idarəsində, Dalğıc Qəza xidmətinin inzibati binası və 1 saylı sahəsində, Neft Kəmərləri İdarəsi və onun struktur bölməsi olan İxrac İstehsalat Bölümünün inzibati binalarında, Abşeron İstehsalat Bölümünün inzibati binası və Böyükşor Neftin Təhvili sahəsində, “Neftqaztikinti” trestinin inzibati binasında və onun strukturuna aid olan 6 və 7 saylı Tikinti Quraşdırma Bölümlərində, Azərkimya İstehsalat Birliyinin inzibati binasında və onun struktur bölməsi olan Etilen - Polietilen zavodunda, Təmir Tikinti İdarəsinin sex və sahələrində, Qaz İxracı İdarəsi və onun struktur bölmələri olan Abşeron Magistral Qaz Kəmərləri İdarəsinin Yeni Zabrat Xalçaçılıq, Zabrat 1 Qaz Paylayıcı Stansiyalarında və N. Nərimanov adına Qaz Tənzimləyici Məntəqəsində, Azəriqaz İstehsalat Birliyinin və onun struktur bölmələri olan Bakı Regional Qaz Satış və Sənaye Qaz sayğaclarının Xidmət Mərkəzində, 1, 3 saylı Tikinti Quraşdırma və 1 saylı Qəza Bərpa Xidməti sahələrində, Təmir Tikinti İdarəsinin inzibati binası və Ümumi Tikinti, Qaz Kəmərlərinin sökülməsi, 2 və 3 saylı Təmir Quraşdırma, 2 saylı Qəza Təmir Bərpa Xidməti və Anbar Təsərrüfatı sahələrində, Bakı Regional Qaz İstismar Departamentinin Qaradağ, Səbayıl, Nərimanov, Binəqədi, Abşeron, Yasamal, Nəsimi, Sabunçu, Suraxanı Texniki İstismar sahələrində, Kompleks Qazma İşləri Trestinin inzibati binasında və onun strukturuna aid olan 1 saylı Anbar Təsərrüfatında, Ekologiya İdarəsinin inzibati binası və onun struktur bölmələri olan Təmir Tikinti və Texniki Xidmət sahələrində, Kompleks Tədqiqatlar Laboratoriyasında, Balaxanı Ölçmə Məntəqəsində, Ekoloji Monitorinq, Ekoloji Ölçmə və Tullantıların İdarə Olunması Departamentlərində, Geofizika və Geologiya İdarəsinin inzibati binasında və onun strukturuna aid olan Mədən Geofizika İstehsalat Bölümünün Səngəçal sahəsində, Neftelmitədqiqatlayihə institunun inzibati binasında, Sosial İnkişaf İdarəsinin inzibati binasının Anbar Təsərrüfatı sahəsində, Sənaye Təhlükəsizlik İdarəsinin inzibati binasında və onun struktur bölməsi olan 1 saylı Əməliyyat dəstəsində, Metanol, Qaz Emalı, Karbamid zavodlarının inzibati binaları, sex və sahələrində, Marketinq və İqtisadi Əməliyyatlar İdarəsinin inzibati binasında və onun struktur bölmələri olan Bakı Neft, Neft Məhsullarının Qəbulu və Göndərilməsi bazalarında, İnformasiya Texnologiyaları və Rabitə İdarəsinin inzibati binasında və onun struktur bölmələri olan Qala, Sənqəçal Rabitə İnformasiya sahələrində, Qobustan Avtomatlaşdırılmış Telefon Stansiyasında, Bakı Olimpiya stadionunda, H. Əliyev adına Bakı Dərin Özüllər zavodunun izibati binası və sahələrində, Nəqliyyat İdarəsinin inzibati binasında və onun struktur bölmələri olan 1, 2, 4 və 6 saylı Texnoloji Nəqliyyat Departamentlərinin inzibati binalarında, xüsusi texnika və nəqliyyat vasitələrində, eyni zamanda “Ekol Mühəndislik Xidmətləri” QSC-nin Baş ofisində, O.Vəliyev 1 ünvanında yerləşən inzibati binada, Ekoloji Monitorinq Departamentində, xidmət göstərdiyimiz SOCAR-ın Ekologiya İdarəsinin Tullantıların İdarə Edilməsi Mərkəzində, Tullantıların Emalı Departamentinin 3, 4, 5, 6-cı (H.Əliyev adına NEZ-in 9-cu sahəsinin ərazisi) sahələrində, Torpaqların Rekultivasiyası Departamentinin 1-ci (H.Z.Tağıyev adına NQÇİ-nin mədən ərazisi), 2-ci (“Bibiheybətneft” NQÇİ-nin mədən və Qaz Emalı Zavodunun əraziləri) sahələrində ümumilikdə 208 874 m2 deratizasiya, 244 734 m2 dezinseksiya və 327 402 m2 sahədə Koronavirus (COVİD-19) infeksiyası əleyhinə dezinfeksiya işləri yerinə yetirilmişdir.
Yay mövsümü ilə əlaqədar SOCAR-ın strukturuna aid olan idarə və müəssisələrin ərazilərində 5 000 m2 sahədə sürünənlərə qarşı dərmanlama işləri aparılmışdır.
Bundan başqa QSC-nin baş ofisində, inzibati binalarında və bütün xidməti sahələrində Koronavirus infeksiyasına yoluxması faktını müəyyən etmək məqsədi ilə, işçilərin hər gün işə başlamazdan əvvəl xüsusi cihaz vasitəsi ilə hərarətlərinin ölçülməsi, əllərin və ayaqların xüsusi vasitələrdən istifadə etməklə dezinfeksiya edilməsi, maarifləndirmə işlərinin aparılması ən vacib qabaqlayıcı tədbir kimi yoluxmanın qarşısını almaq məqsədi daşıyır.
Məlum olduğu kimi, “Sanitariya - Epidemioloji Salamatlıq Haqqında” Azərbaycan Respublikası Qanunun 25-ci maddəsinə uyğun olaraq Nazirlər Kabinetinin 2020-ci il 01 may tarixli qərarına əsasən ölkə ərazisində tətbiq edilən xüsusi karantin rejimi 2021-ci il 01 avqust saat 00.00-dək uzadılmışdır.
Uzadılmış karantin rejimi dövründə Dezinfeksiya şöbəsinin əməkdaşları tərəfindən Koronavirus (COVİD-19) infeksiyasının yayılması əleyhinə dezinfeksiya işləri SOCAR-ın idarə və müəssisələrində, birgə müəssisələrdə, idman komplekslərində və “Ekol Mühəndislik Xidmətləri” QSC-nin fəaliyyət sahələrində mütəmadi olaraq davam etdirilir.