“Eko-Park” İnnovasiya Mərkəzinin yaradılmasında əsas məqsəd SOCAR-ın strukturuna daxil olan idarə, təşkilat və birgə müəssisələrin ərazisində yaşıllıqların salınması üçün müxtəlif növ ağacların, bitkilərin, gül və bəzək kollarının yetişdirilməsindən ibarətdir.
32,37 ha əraziyə malik olan İnnovasiya Mərkəzinin əsas fəaliyyət sahələri hər birinin gücü 10 kv/saat külək turbinləri və ümumi gücü 35 kv/saat olan günəş panellərindən ibarət olan alternativ enerji mənbəyi olmaqla 500 m2 ərazini əhatə edən müasir tələblərə cavab verən şitillərin böyüdülməsi və adaptasiyası bölmələrinin fəaliyyəti mövcuddur. Bundan başqa Mərkəzdə suvarma işləri ənənəvi olaraq damcı və püskürtmə üsulları ilə yerinə yetirilir.
Bitkilərin toxum, çiling və calaq vasitəsi ilə çoxaldılması və növbəti mərhələyə qablaşdırılması üçün istixanalardan, 2 ha ərazidə yerləşən və açıq hava şəraitində bitkilərin mövsümə uyğun əkilib-becərilməsi üçün fidanlıqda böyük əhəmiyyət kəsb edən işlər yerinə yetirilir.
Ətraf mühitin mühafizəsinə diqqətin artırılması və ekoloji layihələrin aşılanması üçün maarifləndirmə sahəsi fəaliyyət göstərir.
“Eko-Park” İnnovasiya Mərkəzində SOCAR və BMT İnkişaf Proqramının Azərbaycan nümayəndəliyi ilə birgə “Azərbaycanın yanacaq istehlak sektorunda karbon emissiyalarının azaldılmasını təmin edən Milli Fəaliyyətlər Planı” (NAMA), BP Exploration şirkəti, “Yaşıl Səngəçal” və SOCAR-ın idarə və müəssisələri ilə birlikdə böyük layihələr həyata keçirilib və bu kimi layihələrin keçirilməsi planlaşdırılır.
Mərkəzdə görülən işlərlə yanaşı Abşeron iqliminə uyğun gələn müxtəlif növ ağac bitkiləri, eyni zamanda müxtəlif növ otaq gülləri və bütün hava şəraitinə tab gətirən hər mövsümə uyğun yaşıllıq üçün bitkilər yetişdirilərək istifadəyə verilir.
Bütün görülən bu işlərlə yanaşı İnnovasiya Mərkəzində yaradılmış Eko Mərkəzdə Azərbaycan etnoqrafiyası, təsviri sənəti, filateliyası, dekorativ tətbiqi sənəd nümunələri və sair işlərlə tanış olmaq olar.