İş yerlərində SOCAR-ın 15 oktyabr 2020-ci il tarixli telefonoqramında nəzərdə tutulmuş profilaktik tədbirlərin, Azərbaycan Respublikası Nazirlər Kabineti yanında Operativ Qərargahın və Ümumdünya Səhiyyə Təşkilatı tərəfindən müəyyən olunmuş tədbirlərin yerinə yetirilməsi üçün Koronavirus (COVİD-19) infeksiyasının yayılmasının qarşısını almaq məqsədilə “Ekol Mühəndislik Xidmətləri” QSC-nin Dezinfeksiya şöbəsinin əməkdaşları tərəfindən müntəzəm olaraq dezinfeksiya işləri aparılır.

SOCAR-ın Təsərrüfat İdarəsində, “Azneft” İstehsalat Birliyinin inzibati binası və onun strukturuna aid olan 1 saylı Nəqliyyat İdarəsinin inzibati binasında, Maddi Texniki Təchizat İdarəsində və anbarlarda, “Bibiheybətneft”, H.Z.Tağıyev adına NQÇİ-nin inzibati binalarında, N.Nərimanov adına NQÇİ-nin Qaz Kompressor sahəsində, Qaz Anbarları İstismarı İdarəsinin Qalmaz Kompressor və Qalmaz Qaz sexlərində, Dalma Qurğularının təmiri və Kirayəsi üzrə Eksperimental İstehsalat Müəssisəninin sex və sahələrində, “28 May” NQÇİ-nin Qazın Tam Hazırlanması və Təhvili (Hövsan, Dübəndi, Zirə) sahələrində, Neft Kəmərləri İdarəsinin inzibati binası və onun  struktur bölmələri olan Abşeron İstehsalat Bölümünün Sumqayıt, Sabunçu Neftin Nəqli sahələrində, Anbar Təsərrüfatı Bölümünün Neft Zavodu sahəsində, “Neftqaztikinti” trestinin  inzibati binasında və onun strukturuna  aid olan  2, 4 və 7 saylı Tikinti Quraşdırma Bölümlərində, Azərkimya İstehsalat Birliyinin inzibati binasında və onun struktur bölmələri olan Təmir-Tikinti İdarəsində, Etilen - Polietilen zavodunda, Qaz İxracı İdarəsinin inzibati binasında və onun struktur bölmələri olan Anbar Təsərrüfatı Bölümündə, Abşeron Magistral Qaz Kəmərləri sahəsinin Xırdalan, Masazır, Sumqayıt Qaz Paylayıcı sahələrində, Sənqəçal Qaz Tənzimləyici Məntəqəsində, Hacıqabul Magistral Qaz Kəmərləri sahəsinin Sənqəçal, Şirvan Xətti İstismar Xidməti və həyətyani sahələrdə, “B”, 206-cı və 47-ci km kranlar meydançalarında, Hacıqabul, Atbulaq, Qaraməryam, İsmayıllı, Talıstan, Padar, Qubaxəlilli, Kəndoba, Şamaxı Avtomatlaşdırılmış Qaz Paylayıcı Stansiyalarında, Qaraməryam, Qarayazı, Qalmaz Ölçü Qovşaqlarında, Azəriqaz İstehsalat Birliyinin inzibati binası və onun struktur bölmələri olan Bakı Regional Qaz İstismar Departamentinin inzibati binasında, onun struktur bölmələri olan Sabunçu, Xətai, Xəzər, Qaradağ Təmir İstismar Xidmətlərində, Sumqayıt Qaz İstismar sahəsində, Salyan Regional Qaz İstismar İdarəsinin Hacıqabul, Göyçay, Şamaxı, İsmayıllı, Şirvan Xidmət sahələrində, Ağsu Regional Qaz İstismar İdarəsinin Ağsu Xidmət sahəsində, Təmir Tikinti İdarəsinin 4 saylı Təmir Quraşdırma, 2 və 4 saylı Qəza Təmir Bərpa Xidməti sahələrində, Anbar Təsərrüfatı sahəsində, Ümumi Tikinti, Qaz Kəmərlərinin Sökülməsi üzrə sahələrdə, Kompleks Qazma İşləri Trestinin inzibati binasında və onun strukturuna aid olan 2 saylı Anbar Təsərrüfatında, Geofizika və Geologiya İdarəsinin inzibati binasında və onun strukturuna aid olan  Mədən Geofizika İstehsalat Bölümünün Bahar Mədən Geofiziki Ekspredisiyasında, Sosial İnkişaf, Sənaye Təhlükəsizlik İdarələrinin inzibati binalarında, Karbamid Zavodunun inzibati binası, sex və sahəsində, Marketinq və İqtisadi Əməliyyatlar İdarəsinin inzibati binasında və onun struktur bölmələri olan Bakı Neft,  Neft Məhsullarının Qəbulu və Göndərilməsi Bazalarında, İnformasiya Texnologiyaları və Rabitə İdarəsinin inzibati binasında və onun struktur bölmələri olan Qobustan Avtomatlaşdırılmış Telefon Stansiyasında, Daşgil – Sənqəçal Rabitə İnformasiya sahəsində, Ümid - Babək Əməliyyat Şirkətinin 1 saylı Stansionar Dəniz Özülündə və Anbarında, Nəqliyyat İdarəsinin inzibati binasında və onun struktur bölmələri olan 1, 2, 4 və 6 saylı Texnoloji Nəqliyyat  Departamentlərinin inzibati binalarında, xüsusi texnika və nəqliyyat vasitələrində,  Bakı Olimpiya Stadionun ərazisində, eyni zamanda “Ekol Mühəndislik Xidmətləri” QSC-nin O.Vəliyev 1 ünvanında yerləşən inzibati binasında, “Eko-Park İnnovasiya” Mərkəzində, Tullantıların Emalı Departamentinin 3, 4, 5, 6-cı (H.Əliyev adına NEZ-in 9-cu sahəsinin ərazisi) sahələrində, Torpaqların Rekultivasiyası Departamentinin 1-ci (H.Z.Tağıyev adına NQÇİ-nin mədən ərazisi), 2-ci (“Bibiheybətneft” NQÇİ-nin mədən ərazisi) sahələrində  ümumilikdə 214 837 m2  deratizasiya, 227 019 m2  dezinseksiya və 294 132 m2  sahədə Koronavirus (COVİD-19) infeksiyası əleyhinə dezinfeksiya işləri yerinə yetirilmişdir.

Yay mövsümü ilə əlaqədar SOCAR-ın strukturuna aid  olan  idarə  və  müəssisələrin  ərazilərində 22 180  m2  sahədə sürünənlərə qarşı dərmanlama işləri aparılmışdır.

Bundan başqa QSC-nin baş ofisində, inzibati binalarında və bütün xidməti sahələrində Koronavirus infeksiyasına yoluxması faktını müəyyən etmək məqsədi ilə, işçilərin hər gün işə başlamazdan əvvəl xüsusi cihaz vasitəsi ilə hərarətlərinin ölçülməsi, əllərin və ayaqların xüsusi vasitələrdən istifadə etməklə dezinfeksiya edilməsi, maarifləndirmə işlərinin aparılması ən vacib qabaqlayıcı tədbir kimi yoluxmanın qarşısını almaq məqsədi daşıyır.

Məlum olduğu kimi, “Sanitariya - Epidemioloji Salamatlıq Haqqında” Azərbaycan Respublikası Qanunun  25-ci maddəsinə uyğun olaraq  Nazirlər Kabinetinin 2020-ci il 01 may tarixli qərarına əsasən ölkə ərazisində tətbiq edilən xüsusi karantin rejimi 2021-ci il 01 sentyabr  saat  00.00-dək uzadılmışdır.

Uzadılmış karantin rejimi dövründə Dezinfeksiya şöbəsinin əməkdaşları tərəfindən Koronavirus (COVİD-19) infeksiyasının yayılması əleyhinə dezinfeksiya işləri SOCAR-ın idarə və müəssisələrində, birgə müəssisələrdə, idman komplekslərində və “Ekol Mühəndislik Xidmətləri” QSC-nin fəaliyyət sahələrində mütəmadi olaraq davam etdirilir.