İclası YAP Nizami rayon “Ekol Mühəndislik Xidmətləri” QSC O.Vəliyev 1 ərazi partiya təşkilatının sədri Ramil Əliyev açıq elan etdi. Ramil Əliyev çıxışında YAP Nizami rayonu “Ekol Mühəndislik Xidmətləri” QSC O.Vəliyev 1 ərazi partiya təşkilatının iştirakçılarını salamlamış və Yeni Azərbaycan Partiyasının banisi ulu öndərimiz Heydər Əliyevin əziz xatirəsini bir dəqiqəlik sükutla yad etməyi xahiş etmişdir.

Gündəlikdə duran birinci məsələ sədrin VI Qurultaydan sonrakı dövr ərzində fəaliyyəti barədə hesabatı dinlənildi və ətraflı müzakirədən sonra hesabat dövründəki fəaliyyəti qənaətbəxş hesab edildi. Daha sonra gündəlikdə duran ikinci məsələ ərazi partiya təşkilatının sədri və müavini seçilməsi məsələsi idi. Məsələ ətrafında çıxış edən Əli Ələkbərov, Edilman Məmmədov və Arif Məmmədov Ramil Cavanşir oğlu Əliyevin YAP “Ekol Mühəndislik Xidmətləri” QSC  O.Vəliyev 1 ərazi partiya təşkilatının sədri, İsrafil İsmayıl oğlu Əliyevin isə sədr müavini seçilməsini təklif etdilər.

Fəal şəraitdə keçən iclasda,  “Ekol” ərazi partiya təşkilatının sədri yekdilliklə Ramil Əliyev, sədr müavini İsrafil Əliyev seçilmişlər.

İclasda ilk söz yeni seçilmiş ərazi partiya təşkilatının sədri Ramil Əliyevə verilmişdir. O, çıxışında ona göstərilən etimada görə, siyasi həmfikirlərinə  öz təşəkkürünü bildirmiş və Respublikamızın İctimai Siyasi həyatında fəal iştirakında öz səylərini əsirgəməyəciyini qeyd etmişdir.

Daha sonra iclasda iştirak edən YAP Nizami rayon təşkilatının sədri Ramil Vəlibəyova söz verilmişdir. Ramil Vəlibəyov “Ekol Mühəndislik Xidmətləri” QSC O.Vəliyev 1  ərazi partiya təşkilatının kollektivinə Nizami rayonunun ictimai siyasi həyatında fəal iştirakına görə, ərazi partiya təşkilatının yeni seçilmiş sədri Ramil Əliyevə və müavini İsrafil Əliyevə gələcək fəaliyyətlərində uğurlar arzulamışdır.