2022-ci ildə də sosial məsələlər və işçilərin yay istirahətlərinin səmərəli təşkil olunması diqqət mərkəzində olmuşdur. Bu il işçilərin yay istirahətləri Nabran zonasında “Palma”,“El Faro” və Qusar rayonunun “Qusar göl” İstirahət Mərkəzlərində təşkil olunmuşdur. İyun ayının 24-dən başlayaraq QSC-də çalışan işçilər növbə ilə şənbə, bazar günlərində və 5 günlük istirahətlərini bu istirahət mərkəzlərində keçirməyə başlamışlar. İşçilərin istirahətlərinin mənalı və yüksək səviyyədə keçməsi üçün QSC-nin rəhbərliyi və Həmkarlar İttifaqı Komitəsi tərəfindən bütün zəruri tədbirlər görülmüşdür. İstirahət müddətində işçilər arasında futbol, nərd və digər əyləncəli idman yarışları təşkil edilir.
QSC-nin Həmkarlar İttifaqı Komitəsinin xətti ilə işçilərin ailəvi istirahətərinin təşkil olunması istiqamətində də məqsədyönlü tədbirlər həyata keçirilir. Onlara yuxarda adları çəkilən istirahət mərkəzlərində dincəlmələri üçün yollayışlar verilir.
Bunlarla yanaşı “Ekol Mühəndislik Xidmətləri” QSC-də çalışan 57 nəfər işçilərin sağlamlıqlarının qorunması məqsədi ilə respublikamızda yerləşən “Bilgəh”, “Abşeron”, “Naftalan”, “Qaranquş”, “Günəşli” və “Şıx” müalicəvi kurort sanatoriyalarında təyinatları üzrə müalicələri təşkil edilir.
QSC-də çalışan işçilərin və ailə üzvlərinin yay istirahətləri mövsümün sonunadək davam etməklə müalicə və sağlamlıqlarının qorunması daim diqqət mərkəzində olacaq.