Cəmiyyətin bütün struktur bölmələrində keçirilən xarici auditdə Türk Standartları İnstitutunun (TSE) Azərbaycandakı təmsilçisi Gülhan Arzu Yüzereroğlu və Baş auditor  Xatirə Salahova iştirak etmişdir.

QSC-nin Baş direktoru Ramil Əliyev xarici auditin qapanış toplantısını açıq elan edərək toplantı iştirakçılarını salamladı və sözü Türk Standartları İnstitutunun (TSE) nümayəndələrinə verərək auditin nəticələri barədə yekun fikir bildirmələrini xahiş etdi.

TSE-nin nümayəndələri Gülhan Arzu Yüzereroğlu və Xatirə Salahova QSC-nin fəaliyyətini İnteqrə edilmiş Menecment  Sistemlərinin hər bir maddəsi ilə yoxladıqlarını, fəaliyyətimizin beynəlxalq standartların tələblərinə uyğunluğunu təsdiqləyərək nəticəni yüksək qiymətləndirmişlər. Hər üç standartın tələblərinə  yüksək səviyyədə riayət olunduğunu bildirən xarici audit nümayəndələri eyni zamanda İSO 14001-2015  “Ətraf Mühit İdarəetmə Sistemi” üzrə sertifikatın keçərliliyinin  yenilənməsinin uyğunluğunu vurğulamışlar. 

Yekunda Baş direktor Ramil Əliyev xarici auditin şəffaf şəraitdə keçirilməsinə və dəyərli tövsiyyələrinə görə TSE təmsilçilərinə öz təşəkkürünü bildirməklə növbəti fəaliyyət illərində də beynəlxalq styandartların tələblərinə yüksək səviyyədə əməl olunacağını qarşı tərəfin diqqətinə çatdırmışdır.

Bununla da xarici auditin nəticələrinə həsr olunmuş qapanış toplantısı başa çatmışdır.

    Enerji mənbəyi kimi tükənən - bərpa olunmayan...