İmtahanda  respublikada “Ətraf Mühitə Təsirin Qiymətləndirilməsi” üzrə ixtisaslaşmış digər təşkilatların mütəxəssisləri ilə yanaşı, “Ekol Mühəndislik Xidmətləri” QSC-nin “Ekologiya” İdarəsinin mütəxəssisləri də iştirak etmişdir.

Keçirilmiş imtahanda yalnız “Ekol Mühəndislik Xidmətləri” QSC-nin “Ekologiya” İdarəsinin 7 əməkdaşı uğurlu nəticə qazanmış və müvafiq olaraq ixtisas attestatı ilə təltif olunmuşlar.

Məlumat üçün bildiririk ki, mövcud ekoloji qanunvericiliyin tələblərinə əsasən yalnız ixtisas attestatı almış mütəxəssislər “Ətraf Mühitə Təsirin Qiymətləndirilməsi” sənədlərini hazırlamaq hüququna malikdir.

16 avqust 2022-ci il tarixində Ekologiya və Təbii Sərvətlər naziri cənab Muxtar Babayevin iştirakı ilə imtahanda müvəffəqiyyət qazanmış ƏMTQ üzrə qiymətləndiricilərlə görüş keçirilmişdir. Tədbirdə nazir Muxtar Babayev ƏMTQ prosesinin aparılmasının vacibliyini vurğulamış, bu sahədə qarşıda duran perspektiv planlar haqqında ətraflı məlumat vermiş və ƏMTQ üzrə qiymətləndiricilərə ixtisas attestatını təqdim etmişdir.