2022-ci ildə də sosial məsələlər və işçilərin yay istirahətlərinin səmərəli təşkil olunması hər il olduğu kimi bu il də diqqət mərkəzində olmuşdur. Bu il işçilərin və onların ailə üzvlərinin yay istirahətləri Qusarda yerləşən “Qusar göl”, Nabranda “Palma” və “El Faro” istirahət mərkəzində təşkil olunmuşdur. İyun ayının 24-dən başlayaraq QSC-də çalışan işçilər növbə ilə şənbə və bazar günlərində öz istirahətlərini bu istirahət mərkəzində səmərəli keçirmişlər. İşçilərin istirahətlərinin mənalı və yüksək səviyyədə keçməsi üçün QSC-nin rəhbərliyi və Həmkarlar İttifaqı Komitəsi tərəfindən bütün zəruri tədbirlər görülmüşdür. İstirahət müddətində işçilər arasında futbol, nərd və digər idman yarışları keçirilmiş, maraqlı gəzintilər təşkil edilmişdir.
Bununla yanaşı, Həmkarlar İttifaqı Komitəsinin xətti ilə işçilərin sağlamlığının qorunması məqsədi ilə “Bilgəh”, “Qaranquş”, “Abşeron”, “Günəşli”, “Naftalan” və “Şıx” müalicəvi kurort sanatoriyalarına yollayışlar ayrılmış və hal-hazırda ilin sonunadək davam etdiriləcək. Yay istirahət mövsümünə başlandığı müddətdən indiyədək QSC-də çalışan 400 nəfərdən yuxarı işçinin yay istirahəti adları çəkilən istirahət mərkəzində yüksək səviyyədə təşkil edilmişdir.
Növbəti illərdə də işçilərin yay istirahətinin respublikamızın ayrı-ayrı bölgələrində fəaliyyət göstərən istirahət mərkəzlərində təşkil olunması nəzərdə tutulur.