Turnirin açılışında rəhbərlik, struktur bölmə rəhbərləri və turnir iştirakçıları iştirak etmişlər. Turnirdə Baş direktor Ramil Əliyev tədbiri açıq elan edərək, əsası Ümummilli Lider Heydər Əliyev tərəfindən qoyulmuş Azərbaycanın yeni neft strategiyası ölkə Prezidenti cənab İlham Əliyev tərəfindən uğurla həyata keçirildiyini və iqtisadiyyatımızın dinamik inkişafına güclü təkan verdiyini, bu strategiyanın Azərbaycanı inkişaf etmiş ölkələr sırasına çıxardığını, günü-gündən müasirləşən şəhər və kəndlərimizin siması bu davamlı yüksəlişin əks etdirdiyini bildirdi. Baş direktorun ümumi işlər üzrə İsrafil Əliyev, Həmkarlar İttifaqı Komitəsinin sədri Əli Ələkbərov və İctimai-sosial şöbənin rəis müavini Məzahir İskəndərov turnir iştirakçılarına yarışda uğurlar arzulamışlar.
Sonra iştirakçılara yarışın şərtləri izah edilmiş və turnirə start verilmişdir. Gərgin mübarizə şəraitində keçən turnirin final mərhələsində 1, 2 və 3-cü yerlərin qalibləri müəyyən edilmişdir.
Turnirdə 1-ci yeri Tullantıların İdarə Edilməsi Mərkəzində təmizləyici işləyən Zəkərəyev Fərid, 2-ci yeri Torpaqların rekultivasiyası departamentində iş icraçısı işləyən Cabbarov Bəhruz və 3-cü yeri Nəqliyyat sexində ilməkçi işləyən Abdullayev Orxan tutmuşlar.
Turnirin sonunda qaliblərə kubok, diplomlar və pul mükafatları təqdim olunmuşdur.