Mülki Müdafiə üzrə məşqin rəhbəri, “Ekol Mühəndislik Xidmətləri” QSC-nin Fövqəladə Hallar Komissiyasının sədri Məzahir Hüseynov tədbiri açıq elan edərək məşq iştirakçılarını salamladı və tədbir iştirakçılarına məşqin məqsədini çatdırdıqdan sonra şərti siqnal verərək, məşqin başlanmasını elan etdi.
Məşqin keçirilməsində məqsəd rəhbər heyətin və MM qüvvələrinin fövqəladə hadisələr zamanı fəaliyyət göstərməsi hazırlığı səviyyəsini müəyyən etmək, işçilərin fövqəladə hadisələr zamanı davranış qaydaları üzrə biliklərini artırılması, MM sahəsində normativ sənədlərin tələblərinə əməl olunmasından ibarətdir. Daha sonra məşqin keçirilməsində əsas məqsəd MM idarəetmə orqanlarının, Fövqəladə Hallar üzrə Komissiyalarının, rəhbər heyətin və işçilərin fövqəladə hadisələrin nəticələrini aradan qaldırılarkən xilasetmə və digər təxirəsalınmaz işlərin təşkili və operativ olaraq yerinə yetirilməsi üzrə praktiki vərdişlərinin aşılamasından ibarət olmuşdur.
Məşqin gedişi zamanı Cəmiyyətin Fövqəladə Hallar Komissiyasının sədri və MM Qərargah rəisinin “Fövqəladə hadisələrin nəticələrinin aradan qaldırılması zamanı idarəetmənin təşkili” mövzusunda mərüzələri dinlənildi. Məşqin davamı olaraq MM obyektinin rəhbər və komandir-rəis heyətinin fövqəladə hadisələr (şərti şərait) zamanı operativ reaksiya vermə üzrə hazırlıq səviyyələri yoxlanıldı, fövqəladə halların nəticələrinin aradan qaldırılması zamanı MM orqan və qüvvələrinin idarə edilməsi üzrə bilik və bacarıqlarının təkmilləşdirilməsi, işçi sənədlərin hazırlanması üzrə bacarıq və vərdişləri haqqında məlumat verilmişdir.
Cəmiyyətin Mülki Müdafiə planında nəzərdə tutulmuş tədbirlər bir daha dəqiqləşdirilərək məşq plana uyğun olaraq, vaxtında başa çatmışdır. Sonda iştirakçılar məşqin təhlilini ətraflı müzakirə etmişlər.
ana səhifə
Satınalma
əlaqə
Futzal
Alternativ Enerji
Bu maraqlıdır
