Görüşdə şirkətin təsisçisi və baş meneceri Michael Dietrch, Lexsolar şirkətinin Azərbaycandakı rəsmi nümayəndəsi, əsası ABŞ-da qoyulmuş LT Scientific şirkətinin rəhbəri İsmayıl Rüstəmov, satış meneceri Bəxtiyar Ağayev və Eko Park İnnovasiya Mərkəzinin rəisi Tahir Şıxəliyev iştirak etmişlər.
Bildiyiniz kimi Eko Parkda yerləşən Enerji İdarəetmə Mərkəzində müxtəlif tipli alternativ enerji təlim dərsləri nümayiş olunur. Bu avadanlıqların nümayiş tədbirində SOCAR rəhbərliyi və rəsmi şəxslər də iştirak ediblər. Avadanlıqlar Almaniyanın Lexsolar şirkətində istehsal olunur və dünyada alternativ enerji sahəsində tədris təcrübə dərslərinin ən geniş yayılmış modelləridir.
Məlumat üçün bildiririk ki, Lexsolar şirkətinin təsisçisi və baş meneceri Michael Dietrch 20-21 oktyabr tarixlərində Bakıda səfərdədir. Bu səfər çərçivəsində Michael Dietrch və qonaqlar Eko Park İnnovasiya Mərkəzinə baş çəkmişlər. Qonaqlar üçün Mərkəzin ərazisində gəzinti təşkil edilmiş, Eko Parkdakı Enerji İdarəetmə Mərkəzində yaradılmış şərait və avadanlıqlarla tanış olmuşlar. Təsisçisi olduğu Lexsolar şirkətinin rəhbəri bu təlim kitlərinin yüksək səviyyədə nümayiş etdirdikləri üçün Mərkəz rəhbərliyinə öz dərin təşəkkürünü bildirmişdir.
Daha sonra Eko Park İnnovasiya Mərkəzində rəsmi görüş təşkil olunmuş və görüş zamanı tərəflərin gələcəkdə alternativ enerji sahəsində əməkdaşlığı və təhsil kitləri haqqında ətraflı müzakirələr aparıldı. Lexsolar şirkətinin rəhbəri yeni məhsullar haqqında ətraflı məlumat verdi. Sonda qonaqlar üçün təşkil olunmuş çay süfrəsi ətrafında səmimi söhbətlər olunmuş və xatirə şəkilləri çəkilmişdir. Çox səmimi və isti keçən görüşdə tərəflər əməkdaşlıq və dostluq əlaqələrinin gələcəkdə də daha sıx davam etməsinə dair işlər görəcəklərini bildirdilər.