Ekskursiya və maarifləndirici proqram SOCAR-ın “Ekoloji təbliğat və maarifləndirməyə dair 2021-2022-ci illər üzrə Tədbirlər Planı”nda məktəblilərin və gənclərin ekoloji maarifləndirilməsi, ekoloji biliklərinin artırılması və bu sahədə bacarıqların formalaşdırılması məqsədilə Azərbaycan Respublikası Elm və Təhsil Nazirliyi ilə əməkdaşlığa əsasən təşkil edilmişdir.
Tədbirdə SOCAR-ın Ekologiya və enerji keçidi məsələləri üzrə Departamentinin Dekarbonizasiya və ekoloji layihələrinin idarəedilməsi şöbəsinin böyük mühəndisi Əsmər Orucova, “Azneft” İB-nin Ekoloji Layihələrin İdarəedilməsi şöbəsinin rəis müavini Ənvər Həsənov, Eko Park İnnovasiya Mərkəzinin rəhbərliyi və əməkdaşları, Cəmiyyətin ictimai-sosial şöbəsinin, “Ekologiya” İdarəsinin sosial şöbəsinin əməkdaşları və M.Şəhriyar adına 193 nömrəli tam orta məktəbin “Yaşıl şəbəkə” ekoklub üzvləri iştirak etmişlər.
Ekskursiya və maarifləndirici proqram Azərbaycan Respublikası Elm və Təhsil Nazirliyi “Respublika Uşaq-Gənclər Mərkəzi” Publik Hüquqi Şəxsi və “Ekol Mühəndislik Xidmətləri” QSC-nin əməkdaşlarının birgə təşkilatçılığı ilə təşkil edilmişdir.
Proqramın məqsədi məktəblilərin ekoloji maarifləndirilməsi, ekoloji şüurun formalaşması və onlara ətraf mühitin qorunması sahəsində xüsusi biliklərin aşılanmasından ibarət olmudur.
Ekskursiya zamanı şagirdlər park ərazisində olan alternativ enerji mənbələri, Enerji İdarəetmə Mərkəzi və fidanlıq sahəsi və istixana ilə tanış olmuşlar.
Tədbirin sonunda Eko Park İnnovasiya Mərkəzinin akt zalında toplantı olmuş və məktəblilər tərəfindən “Alternativ enerji mənbələri” haqqında təqdimat nümayiş etdirilmişdir.