Həmin bayraq 1990-cı il noyabrın 17-də Naxçıvan Muxtar Respublikası Ali Məclisinin sədri, xalqımızın Ümummilli lideri Heydər Əliyevin təşəbbüsü və rəhbərliyi ilə keçirilən sessiyada Naxçıvan Muxtar Respublikasının dövlət bayrağı olaraq təsdiq edilmişdir.1991-ci il fevralın 5-də Azərbaycan Respublikasının Ali Soveti “Azərbaycan Respublikasının Dövlət bayrağı haqqında” Qanun qəbul edərək onu Dövlət Bayrağı elan etmişdir.
1991-ci il oktyabrın 18-də “Azərbaycan Respublikasının dövlət müstəqilliyi haqqında” Konstitusiya Aktı ilə Azərbaycan Respublikası Azərbaycan Xalq Cümhuriyyətinin varisi kimi onun dövlət rəmzlərini, o cümlədən Dövlət Bayrağını bərpa etmişdir.
Azərbaycan Respublikasının Prezident cənab İlham Əliyev 2007-ci il noyabrın 17-də Bakıda Dövlət Bayrağı Meydanının yaradılması barədə və 2009-cu il noyabrın 17-də isə Dövlət Bayrağı Gününün təsis edilməsi haqqında sərəncamlar imzalamışdır. Həmin ildən etibarən hər il 9 Noyabr Respublikamızda Dövlət Bayrağı Günü kimi qeyd olunur.
Bu tarixi hadisə münasibəti ilə QSC-nin kollektivi Azərbaycan xalqını təbrik edir və milli şərəfimizin simvolu olan bayrağımızı daima uca tutur. Gənc nəsildə bayrağımızın şərəf və ləyaqətini qorumaq, məhəbbət hissi aşılamaq hər birimizin vətəndaşlıq borcudur.
Ali Baş komandan, Azərbaycan Respublikasının Prezidenti cənab İlham Əliyevin və Müzəffər Ordumuzun Qarabağın azad olunması uğrunda apardıqları məqsədyönlü tədbirlər nəticəsində 8 noyabr 2020-ci il tarixində Şuşa şəhəri işğaldan azad olundu.
Üç rəngli bayrağımız hal-hazırda Şuşa şəhərində əzmlə dalğalanır. Bu münasibət ilə bütün dünya Azərbaycanlılarını ürəkdən təbrik edirik!!!
QARABAĞ BİZİMDİR!
QARABAĞ AZƏRBAYCANDIR!