Qaz İxrac İdarəsinin sifarişi əsasında “Ekol Mühəndislik Xidmətləri” QSC-nin “Ekologiya” İdarəsi tərəfindən  “Böyük Bəhmənli-Şuşa” qaz kəmərinin, həmin kəmərdən ayrılan “Şuşa”, “Füzuli” və “Ağoğlan” (Hadrut) qaz paylayıcı stansiyalarının tikintisi obyektinin işçi layihəsi əsasında Ətraf Mühitə Təsirin Qiymətləndirilməsi (ƏMTQ) sənədinin hazırlanması işlərinə başlanılmışdır.

Bununla əlaqədar, ətraf mühitin ilkin vəziyyətin qiymətləndirilməsi məqsədi ilə layihə ərazisində ekoloji monitorinqlərin keçirilməsinə start verilmişdir. 

Monitorinqlər zamanı qrunt su nümunələrinin götürülməsi, eləcə də flora və faunanın öyrənilməsi, atmosfer havasının, radiasiya fonunun tədbiqi işləri, ətraf mühitə mümkün təsirlərin ilkin olaraq qiymətləndirilməsi həyata keçiriləcəkdir.

Tədqiqatların nəticələri əsasında Ətraf Mühitə Təsirlərin Qiymətləndirilməsi Sənədi hazırlanaraq ictiami dinləmə üçün müzakirəyə çıxarılacaqdır.