Kompleks Tədqiqatlar Laboratoriyası Türkiyənin TÜRKAK Akkreditasiya Qurumu tərəfindən İSO/İEC 17025:2017 “Sınaq və kalibrləmə laboratoriyalarının səlahiyyətliliyinə ümumi tələblər” standartına uyğun akkreditasiya olunmuş və təbii qaz, içməli su, dəniz suyu, lay suyu, torpaq və s. nümunələrinidə müxtəlif parametrlər üzrə akkreditasiya attestatı almışdır.
Standartın tələblərinə uyğun olaraq hər il akkreditasiya olunmuş laboratoriyalarda təkrar audit yoxlamaları keçirilməlidir.
Bu məqsədlə 14-15 noyabr 2022-ci il tarixində Türk Akkreditasiya Qurumunun nümayəndələri KTL-də audit keçirilmişdir.
Audit zamanı laboratoriyada aparılan işlərin standartın bütün maddələri üzrə uyğunluğu yoxlanılmışdır.
Auditin yekununda Türk Akkreditasiya Qurumu nümayəndələri, “Ekol Mühəndislik Xidmətləri” QSC-nin “Ekologiya” İdarəsinin rəhbərliyinin və KTL əməkdaşlarının iştirakı ilə toplantı keçirilmiş və auditin nəticələri barədə müzakirələr aparmışlar. Yekun olaraq audit yoxlamalarının müsbət nəticəsi barədə toplantı iştirakçılarına məlumat verilmişdir.