Səfər zamanı “Özbəkneftqaz” SC və SOCAR əməkdaşlıq çərçivəsində təcrübə mübadiləsi aparılması məqsədilə tərəflərin nümayəndələri ilə bir sıra görüşlərin keçirilməsi və istehsalat sahələrinə səfərlər nəzərdə tutulmuşdur.

“Özbəkneftqaz” SC-nin nümayəndə heyəti ilə 13 dekabr 2022-ci il tarixində “Ekol Mühəndislik Xidmətləri” QSC-nin xidmət göstərdiyi “Azneft” İB-nin Eko Park İnnovasiya Mərkəzində və Tullantıların İdarə  Edilməsi Mərkəzində  görüşlər keçirmişdi.

Görüşdə “Özbəkneftqaz” SC-nin Əməyin mühafizəsi və dayanıqlıq inkişaf üzrə İdarə heyəti sədrinin müşaviri Alişer Mustafayevin başçılıq etdiyi nümayəndə heyəti, SOCAR Ekologiya və enerji keçidi məsələləri üzrə departamentinin Ekoloji monitorinq şöbəsinin rəisi İlham Əsgərli, “Azneft” İB-nin Ekoloji layihələrin idarə edilməsi şöbəsinin rəisi Məmmədhüseyn Müslümov, “Ekol Mühəndislik Xidmətləri” QSC-nin Baş direktorun müavini Yaqub Ağasiyev, Eko Park İnnovasiya Mərkəzinin rəisi Tahir Şıxəliyev və əməkdaşlar, Tullantıların İdarə Edilməsi Mərkəzinin rəisi Orxan Qəndilov iştirak etmişlər. 

Əvvəlcə sözügedən şirkətin nümayəndə heyəti Eko Park İnnovasiya Mərkəzində olmuşdur. Parkla tanışlıqdan sonra Enerji İdarəetmə Mərkəzində Alternativ enerji mənbələrinin təlim qurğuları, İstixanalarda əkim şəraiti və prosesləri, fidanlıq və maarifləndirmə sahəsi ilə tanış olduqdan sonra Mərkəzdə çay süfrəsi arxasında qonaqları maraqlandıran digər suallar cavablandırıldı.

Daha sonra görüşün davamı olaraq “Özbəkneftqaz” SC-nin nümayəndə heyəti Tullantıların İdarə Edilməsi Mərkəzində olmuşdur.

Görüş zamanı nümayəndə heyətinə Mərkəz haqqında geniş məlumat verilmiş və Azərbaycanda fəaliyyət göstərən neft-qaz şirkətlərində istehsalat prosesləri zamanı formalaşan bütün növ tullantıların müasir tələblərə uyğun idarə edilməsi, neft-qaz, neft-kimya sənayesində formalaşan tullantıların qeydiyyatı, çeşidlənməsi, toplanması, zərərsizləşdirilməsi və utilizasiyası kimi bütöv bir prosesi əhatə etməklə tullantıların idarə edildiyi bildirilmişdir. Həmçinin Mərkəz ərazisinə baxış keçirilən zaman istismar olunan üç ədəd qazma şlamı emal edən qurğular barədə məlumat verilmiş, qazma tullantılarının zərərsizləşdirilməsi prosesi ətraflı izah edilmişdir.

“Özbəkneftqaz” SC-nin nümayəndə heyətinin mütəxəssisləri istər Eko Park İnnovasiya Mərkəzində  istərsə də Tullantıların İdarə Edilməsi Mərkəzində görülən işləri yüksək qiymətləndirmişlər. 

 

    Enerji mənbəyi kimi tükənən - bərpa olunmayan...