Cari ildə risklərin idarə olunması sahəsində icrası nəzərdə tutulmuş tədbirlərin icra statusunun yoxlanılması və 2023-cü il üçün ehtimal olunan risklərin aşkarlanması məqsədilə Cəmiyyətin bütün struktur bölmələrini əhatə edən monitorinq keçirilmişdir. Monitorinq nəticəsində tədbirlərin icra statusu barədə əldə edilmiş məlumatların və aşkar edilmiş risk amillərinin detallı müzakirə edilməsi məqsədilə risklərin idarə olunması üzrə fəaliyyət göstərən İşçi Qrupunun 23 dekabr 2022-ci il tarixində toplantısı keçirilmişdir.
Toplantını giriş sözü ilə işçi qrupunun rəhbəri Baş direktorun SƏTƏM üzrə müavini Eldəniz Həsənli açıq elan etdi. Çıxışının davamı olaraq risklərin idarə olunması, itkilərin vaxtında aşkarlanması, qarşısının alınması, minimuma endirilməsi, effektivliyinin artırılması və fəaliyyəti ilə bağlı müvafiq qanunvericiliyə riayət edilməklə risklərin əsas prinsipləri barədə ətraflı məlumat verdi.
Cəmiyyətin struktur bölmələrində aşkar edilmiş çatışmazlıqlar və risk amilləri barədə Risklər üzrə menecer tərəfindən məlumat verildi. İşçi Qrupun rəhbəri və iştirakçılar ilə geniş müzakirələr aparıldı. Sonda aşkar edilmiş çatışmazlıqların aradan qaldırılması ilə əlaqədar müvafiq önləyici və düzəldici tədbirlərdən ibarət təkliflər monitorinq hesabatına daxil edilmişdir. Dinləmələrdən sonra iclas protokollaşdırılmış və qərara alınmışdır ki, monitorinq hesabatı, 2023-cü il üçün biznes proseslərin yeni siyahısı, risklərin siyahısı, risk pasportları üzrə tədbirlər planı, risklərin monitorinq planı baxılması və təsdiq edilməsi üçün Baş direktora təqdim edilsin.
“Ekol Mühəndislik Xidmətləri” QSC-də tətbiq edilən Risklərin idarə edilməsi sisteminin təkmilləşdirilməsi və risklərin ehtimalının, təsirlərinin və reallaşmasının qarşısının alınması üzrə görülmüş və görüləcək tədbirlər hesabına maliyyə itkilərinin azaldılmasına nail olunacaqdır.
ana səhifə
Satınalma
əlaqə
Futzal
Alternativ Enerji
Bu maraqlıdır
